„ქართული ოცნება" შესაძლოა წლის ბოლოსთვის „ევროპელ სოციალისტთა" პოლიტიკური ოჯახიდან გარიცხონ. მიზეზი 4-5 მაისს უნგრეთში დაგეგმილი კონსერვატორთა საერთაშორისო კონფერენცია, სადაც „ქართული ოცნების" ერთ-ერთი ლიდერი, საქართველოს პრემიერ-მინისტრი ირაკლი ღარიბაშვილი გამოვა სიტყვით. ცნობა ამის შესახებ „ლელომ" გაავრცელა. „ოცნებაში" კი ამბობენ, რომ თუ საქართველოს რომელიმე პოლიტიკური ჯგუფიდან იმის გამო გარიცხავენ, რომ მონაწილეობა უნდა მიიღოს კონფერენციაში, სადაც ეროვნულ იდენტობაზეა საუბარი, ურთიერთობების გადახედვაზე შეიძლება თავად „ოცნებამაც" ილაპარაკოს.