პრეზიდენტი სალომე ზურაბიშვილი დასავლეთს მოუწოდებს, რომ უკრაინა-რუსეთის ომში რუსეთის დამარცხების შემდეგ, სამშვიდობო შეთანხმების ერთ-ერთ პირობად საქართველოს ოკუპირებული ტერიტორიებიდან რუსული ჯარის გაყვანა შეიტანონ. ამ განცხადებას მკვეთრად უარყოფითად გამოეხმაურენ მოსკოვში. უკრაინელი მიმომხილველების ნაწილი ამ მოწოდებას პოლიტიკურ თავხედობად აფასებს. ანალიტიკოსი კორნელი კაკაჩია კი „რეზონანსთან" აღნიშნავს, რომ ეს პრეზიდენტის განცხადება რეალობად იქცევა მხოლოდ იმ შემთახვევაში, თუ საქართველო დასავლეთთან და უკრაინასთან არსებულ პოლიტიკას შეცვლის და რუსეთ-უკრაინის ომი რუსეთის მარცხით დასრულდება.