რეზონანსი
(27.03.2023)

2023 წლის აპრილი ბევრი ადამიანის ცხოვრებაში მნიშვნელოვანი გარდაქმნების თვე იქნება. მზე და პლანეტა იუპიტერი ვერძის ნიშანში გაერთიანდებიან, ეს კი თითოეულ ჩვენგანს დიდ ენერგიასა და მოტივაციას შესძენს. გარდა ამისა, ამავე თვეში დაბნელების დერეფანიც ვერძის ნიშანში გაიხსნება. ასტროლოგიაში ითვლება, რომ ვერძი ძლიერი ნიშანია, რომელიც ახალი საქმეების დაწყებას, გააქტიურებასა და მნიშვნელოვან ცვლილებებს წაახალისებს. ამიტომ, მომდევნო თვის განმავლობაში შესაძლოა, ჩვენს ცხოვრებაში სრულიად მოულოდნელად ბევრი სასარგებლო ცვლილება მოხდეს. თუმცა, ასტროლოგების თქმით, ზოდიაქოს ამ სამ ნიშანს კარდინალური ცვლილებები ელის:

ვერძი

2023 წლის აპრილი თქვენთვის ძალიან დიდი ცვლილებების თვეა. გაგიჩნდებათ სურვილი, რომ ცხოვრება ახალი ფურცლიდან დაიწყოთ და სიახლეები აღარ გადადოთ, ამიტომ, დიდი შანსია, რომ შეიცვალოთ სამსახური, იმიჯი, იფიქროთ განქორწინებაზე, ან პირიქით, ოჯახის შექმნაზე. საკუთარ თავს სრულად გარდაქმნით და მიხვდებით, რას უნდა მიანიჭოთ უპირატესობა. დაემშვიდობებით იმ საქმეებს, ადამიანებს, რომლებსაც თქვენთვის ბედნიერება აღარ მოაქვთ და გარკვეულწილად, გაფერხებენ, რომ წარმატებას მიაღწიოთ. ასტროლოგების თქმით, თქვენი ნებისმიერი წამოწყება ამ თვეში წარმატებული იქნება და განვითარების კარგ შანსსაც მოგცემთ. ახლა გარდაუვალი ცვლილებების დროა, ძალიან დიდ ენერგიასა და მოტივაციას იგრძნობთ და გააკეთებთ იმას, რაც სულ გინდოდათ, რომ გაგეკეთებინათ, მაგრამ ვერ ბედავდით.

ლომი

2023 წლის აპრილი თქვენთვის მნიშვნელოვანი აღმოჩენების გაკეთების თვე იქნება. თქვენს ცხოვრებაში გამოჩნდება ადამიანი, რომელიც მნიშვნელოვან რჩევასა და მოტივაციას მოგცემთ და ეს ნამდვილად გამოგადგებათ. ძირითადი ცვლილებები შესაძლოა, განათლებას, მოგზაურობას, ან საერთაშორისო პროექტის იდეებს ეხებოდეს. ახლა თვითგანვითარების ყველა შანსი გაქვთ და აუცილებლად გამოიყენეთ. მოუსმინეთ საკუთარ თავს, დასახეთ მიზანი და ნაბიჯ-ნაბიჯ მიჰყევით. სამყარო თქვენ მხარესაა და ნებისმიერ ისეთ წამოწყებაში, რაც განვითარებას, ახლის შექმნას გულისხმობს, მხარს დაგიჭერთ.

მშვილდოსანი

ამ ნიშნის წარმომადგენლებისთვის 2023 წლის აპრილი ასევე დიდი ცვლილებების თვე იქნება. განსაკუთრებით კი, ოჯახური სფეროს თვალსაზრისით. შესაძლოა, ნანატრი ორსულობით, ბავშვის დაბადებით ან შვილების წარმატებით გაიხაროთ. გარდა ამისა, შესაძლოა, საკუთარი ბიზნესის წამოწყების, ახალ საქმეში ჩართვის იდეა გაგიჩნდეთ. ნუ უგულებელყოფთ ამ სურვილს, რადგანაც წარმატების დიდი შანსი გაქვთ. ასევე, თუ მარტოხელა ხართ, შესაძლოა, ამ თვეში შეხვდეთ ადამიანს, რომელიც თქვენს ცხოვრებას მნიშვნელოვნად შეცვლის და გაგაბედნიერებთ. ხოლო, თუ უკვე გყავთ პარტნიორი, საკუთარ თავზე დაკვირვებით მიხვდებით, რომ უფრო მგრძნობიარე, მხარდამჭერი ადამიანი გახდით. გარდა ამისა, დიდ თავდაჯერებულობას იგრძნობთ და ეს საშუალებას მოგცემთ, მნიშვნელოვანი ცვლილებები გამოიწვიოთ.

სტატიების ნახვა შეგიძლიათ ამ ბმულზე

ახალი ამბების ნახვა შეგიძლიათ ამ ბმულზე