ქართველმა ახალგაზრდებმა მოტორბოლაში უკრაინის საერთაშორისო შეჯიბრზე წარმატება მოიპოვეს. ურთულეს ტრეკზე, რომელსაც ცნობილ RedBull Romaniacs-ს ადარებენ, გამარჯვებული 20 წლის ქართველი მოტომრბოლელი გიორგი გახელაძე გახდა. საერთაშორისო შეჯიბრზე, სადაც 17 ქვეყნიდან 320 რაიდერი მონაწილეობდა, ქართველმა სპორტსმენმა მსოფლიოში აღიარებული მრბოლელები დაამარცხა და პირველი ადგილი მოიპოვა. რაც შეეხება დანარჩენ ორ ქართველ მონაწილეს, დავით გულაშვილმა და გიორგი ოთიაშვილმა "ოქროს ტრეკი" გადალახეს, შედეგად "ფინიშერის" წოდება და ოქროს მედალი მოიპოვეს.

ესპანური „ტენერიფესა" და საქართველოს საკალათბურთო ნაკრების წევრი გიორგი შერმადინი რუსეთში არ შეუშვეს. შერმადინის გუნდი ქალაქ ნიჟნი ნოვგოროდში ჩავიდა ევროპის საკალათბურთო ჩემპიონთა ლიგის - „რვათა ფინალში" მონაწილეობისათვის, თუმცა მებაჟეებმა მას რუსეთის ტერიტორიაზე შესვლის უფლება არ მისცეს. ამის შესახებ ესპანური გამოცემა „მალაგაჰოი" იუწყება.