ევროკომისიის პრეზიდენტი, ურსულა ფონ დერ ლაინი აცხადებს, რომ აღარ არსებობს ის დასავლეთი, რომელსაც ვიცნობდით. ინფორმაციას The Times-ი ავრცელებს.

გამოცემის ცნობით, ფონ დერ ლაიენი მიიჩნევს, რომ აშშ-ის პრეზიდენტის, დონალდ ტრამპის ტარიფებმა საფრთხე შეუქმნა დასავლეთის ერთიანობას.

ევროკომისიის პრეზიდენტის თქმით, მხოლოდ ევროპაა თანასწორობისა და დემოკრატიისთვის საუკეთესო ადგილი.

ფონ დერ ლაიენმა ირიბად გააკრიტიკა ამერიკის ახალი ადმინისტრაცია და თქვა რომ ევროპას არ ჰყავს ოლიგარქები, არ ახდენს სამხედრო აგრესიას სხვა ქვეყნებზე და არ სჯის მეზობლებს.