მე ვფიქრობ, რომ უკრაინის პრეზიდენტმა ვოლოდიმირ ზელენსკიმ და მისმა ოფისის ხელმძღვანელმა ანდრეი ერმაკმა აღიარეს, რომ უკრაინა ნატოს წევრი ქვეყანა ვერ გახდება, - განაცხადა ინტერვიუში აშშ-ის პრეზიდენტის სპეციალურმა წარმომადგენელმა ახლო აღმოსავლეთში, სტივ უიტკოფმა.
„რაც შეეხება ნატოს, მე ვფიქრობ, რომ ზელენსკიმ და მისმა მარჯვენა ხელმა ერმაკმა, აღიარეს, რომ ისინი [უკრაინა] ნატოში ვერ გაწევრიანდებიან“, - აღნიშნა უიტკოფმა.
ცნობისთვის, 14 მარტს ნატოს გენერალურმა მდივანმა მარკ რუტემ განაცხადა, რომ უკრაინის ჩრდილოატლანტიკურ ალიანსში გაწევრიანების საკითხი დღის წესრიგში აღარ დგას.
ერთ-ერთ ინტერვიუში ზელენსკიმ განაცხადა, რომ უბრალოდ ტყუილი იყო, რომ უკრაინა ნატოში იქნებოდა, რადგან ათწლეულები გავიდა, ხოლო ქვეყანა ნატოს წევრი არ გამხდარა.