დონალდ ტრამპის ადმინისტრაციამ შეაჩერა „დემოკრატიის ეროვნული ფონდის“ (NED) დაფინანსება. ინფორმაციას ამის შესახებ ამერიკული გამოცემა The Free Press-ი ავრცელებს.

გამოცემა The Free Press-ის ინფორმაციით, ილონ მასკის ხელმძღვანელობით მოქმედმა მთავრობის ეფექტურობის დეპარტამენტმა (DOGE) აშშ-ის სახაზინო დეპარტამენტს უბრძანა, შეეჩერებინა NED-ისთვის თანხების გადარიცხვა, რამაც ორგანიზაციის საქმიანობა მნიშვნელოვნად შეაფერხა.

NED-ის თანამშრომელმა გამოცემა The Free Press-ს განუცხადა: „ეს ნამდვილი კატასტროფაა. ჩვენ ვერ ვახერხებთ ხელფასების გადახდას და საბაზისო საოპერაციო ხარჯების დაფარვას“.

აღსანიშნავია, რომ NED-მა 2025 ფისკალური წლისთვის აშშ-ის მთავრობისგან 315 მილიონი დოლარი მიიღო.