სლოვაკეთის ქალაქებში ხელისუფლების წინააღმდეგ საპროტესტო აქციები იმართება. ინფორმაციას ამის შესახებ ადგილობრივი მედია ავრცელებს.
მედიის ცნობით, დემონსტრაციები ქვეყნის 50-ზე მეტ ქალაქში მიმდინარეობს.
პრემიერ-მინისტრ რობერტ ფიცოს მთავრობის წინააღმდეგ აქციების ორგანიზატორი ინიციატივა „მშვიდობა უკრაინაში“ და ოპოზიციური პარტიები არიან. აქციის ორგანიზატორების თქმით, ფიცოს მთავრობა საფრთხეს უქმნის სლოვაკეთის მომავალს დემოკრატიულ და თავისუფალ ევროპაში.
ამასთან, საზღვარგარეთ მცხოვრები სლოვაკები აქციებს მართავენ პრაღაში, ბრნოში, ბერლინში, ბრიუსელში, კრაკოვში, ლონდონში, ნიუ-იორკში, პარიზში, ლუქსემბურგსა და სხვა ქალაქებში.