„გამოფხიზლდით, ქვეყანა იღუპება", - ამ შეძახილებით აჭარის მთავრობის სახლთან და საქართველოს საკონსტიტუციო სასამართლოსთან საპროტესტო აქცია მიმდინარეობს.

მანამდე, აქციის მონაწილეთა ნაწილმა ბათუმის ქუჩებში მსვლელობა მოაწყო.

"ყველამ ერთად შევეცადოთ, ოჯახის წევრებთან ერთად, სტუდენტებთან ერთად ვიბრძოლოთ. დღეს აქციის მსვლელობისას, აგრესიული ადამიანი მანქანით შემოვარდა და პროვოკაციას ცდილობდა, ჩვენ ვართ მშვიდობიანი აქციის მონაწილეები. უწყვეტია ეს საპროტესტო აქციები, აქ სხვადასხვა პროფესიის ადამიანები ვართ, ჩვენს ხმას აუცილებლად გავაგონებთ. ეს შემართება არის მკაფიო და უკანონობასთან შეგუებას არ ვაპირებთ", - აღნიშნეს მათ.