საერთაშორისო რეიტინგში ასახულ პროგრესს მთავრობის ეკონომიკური გუნდი, სხვადასხვა მიმართულებით გატარებულ სწორ რეფორმებს უკავშირებს. ახალი კვლევა მსოფლიო ბანკის "გლობალური კეთილდღეობის მონაცემთა ბაზამ" გამოაქვეყნა. ირკვევა, რომ ღია მმართველობის ინდექსით საქართველო მსოფლიოში 41-ე ადგილზეა. შეფასების 100 პროცენტიანი სისტემით ქვეყანამ, 59 პროცენტი დაიმსახურა.

კვლევის შედეგების მიხედვით, 41-ე პოზიციაზე საქართველო ბრაზილიასთან და ინდოეთთან ერთად მოხვდა. მაჩვენებლებით ქვეყანა ევროკავშირის და ნატოს წევრ 7 სახელმწიფოს, ასევე ევროკავშირის კანდიდატ ყველა ქვეყანას უსწრებს.

ახალ რეიტინგს საქართველოში არსებულ დემოკრატიულ მმართველობას უკავშირებენ ექსპერტები. ანალიტიკოსების განცხადებით, გამჭვირვალობა არის ერთ-ერთი მთავარი ინსტრუმენტი, რომელიც ქვეყნის წარმატებას ყველა მიმართულებით უზრუნველყოფს.

ახალი რეიტინგი, რომელშიც საქართველოს პროგრესია ასახული, "მსოფლიო მართლმსაჯულების პროექტის" 11-წლიანი კვლევის შედეგებს ეფუძნება.