ამ 14 მილიარდზე მთელი კამპანია აღმოჩნდა მხოლოდ და მხოლოდ სიცრუე, - განაცხადა ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარემ, რატი იონათამიშვილმა. იგი ამგვარად გამოეხმაურა „ნაციონალური მოძრაობის" განცხადებას, რომელიც არჩევნებში გამარჯვების შემდეგ მყისიერად 14 მილიარდის მოზიდვას ეხება.

„ძალიან უხერხულ მდგომარეობაში ჩაიყენა „ნაციონალურმა მოძრაობამ" საკუთარი თავი და ძალიანაც კარგი. ამ 14 მილიარდზე მთელი კამპანია აღმოჩნდა მხოლოდ და მხოლოდ სიცრუე, სიყალბე და მათ იკადრეს და ჩვენი საზოგადოების მოტყუება სცადეს. სამწუხაროდ, ამ ადამიანებს არ აქვთ იმის უნარი, რომ საკუთარ შეცდომებზე რაიმე ისწავლონ. მსგავსი ცრუ კამპანიებით ისინი დაგვეხმარებიან ჩვენ საკონსტიტუციო უმრავლესობის მოპოვებაში", - განაცხადა იონათამიშვილმა.