რეზონანსი
29.05.2024

პარტია „ხალხის ძალის" თავმჯდომარე სოზარ სუბარი ქართველი კანონმდებლების სიცოცხლის მოსპობით მუქარას ეხმიანება და აცხადებს, რომ კანონი გამჭვირვალობის შესახებ სწორედ იმისთვის სჭირდებოდა ქვეყანას, რომ ცნობილი გახდეს, ვის რა ზრახვები აქვს საქართველოში.

მისივე თქმით, მუქარა მიუღებელია, განსაკუთრებით მაშინ, როდესაც ის დაფინანსებულია დონორების მიერ.

„რაც შეეხება მუქარას, როდესაც მსგავსი თემები ფინანსდება დონორების მიერ, ან იმ ადამიანების მიერ, რომლებიც დასავლელი და ევროპელი დონორებისგან იღებენ ძალიან დიდ დაფინანსებებს, არის აბსოლუტურად მიუღებელი და კანონი გამჭვირვალობის შესახებ სწორედ იმისთვის გვჭირდებოდა, რომ ზუსტად ვიცოდეთ, ვის რა ზრახვები აქვს, ჩვენს ქვეყანაში. მტერს უნდა დავარქვათ მტერი, მოყვარეს კი მოყვარე. მეგობრებს, რომლებიც შეცდომებს უშვებენ, მივუთითოთ - თქვენ რასაც აკეთებთ, არ არის სწორი, შეცდომაა და მოდი იქნებ გამოასწოროთ თქვენი საქციელი. ხშირ შემთხვევაში შეიძლება დონორმაც არ იცოდეს, რაც ხდება და თუ იცის და მაინც აკეთებს, მაშინ ქართველ ხალხს აქვს უფლება იცოდეს, რა უნდათ ამ დონორებს ჩვენს ქვეყანასთან," - განაცხადა სოზარ სუბარმა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×