რეზონანსი
27.05.2024

„მოღალატეობრივი მსჯელობა" უწოდა „ხალხის ძალის" გენერალურმა მდივანმა დიმიტრი ხუნდაძემ საკითხის იმდაგვარად წარმოჩენას, რომ თითქოს „გამჭვირვალობის კანონის" მიღებით, საფრთხე ემუქრება რუსეთის მიერ ოკუპირებული ტერიტორიების არაღიარების პოლიტიკას. როგორც ხუნდაძემ ჟურნალისტებთან საუბრისას განაცხადა, მსგავსი რამის თავში გავლებაც კი წარმოუდგენელია.

ესეც რომ არა, დიმიტრი ხუნდაძე აცხადებს, რომ ამდაგვარი მიდგომა საქართველოს დასავლელი პარტნიორების მიმართ შეურაცხმყოფელია, ვინაიდან საერთაშორისო თანამეგობრობა მხარს უჭერს საქართველოს ტერიტორიულ მთლიანობას.

„არ არის პირველი შემთხვევა, როდესაც ჩვენი ოპონენტები, თითქოს დასავლეთის ღირებულებების დაცვით, რუსეთის ინტერესების წისქვილზე ასხამენ წყალს. დღეს იყო ნათელი მაგალითი ამის - თურმე, თუ „გამჭვირვალობის კანონს" მივიღებთ, შესაძლოა, დასავლეთის მხრიდან აფხაზეთის არაღიარების პოლიტიკას ჩრდილი მიადგეს, ანუ იგულისხმება რა - შესაძლოა დასავლეთმა აღიაროს აფხაზეთი და ცხინვალი.

რა თქმა უნდა, ეს არის მოღალატეობრივი მსჯელობა, მსგავსი რამის თავში გავლებაც კი წარმოუდგენელია და ამავე დროს არის თავად დასავლელი პარტნიორებისათვის შეურაცხყოფის მიყენება," - განაცხადა დიმიტრი ხუნდაძემ.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×