რეზონანსი
08.06.2023

ყველამ იასპარეზოს იმ საარჩევნო სტრატეგიით, რომელიც მას მართებულად მიაჩნია, - ამის შესახებ „ნაციონალური მოძრაობის" წევრმა, თინა ბოკუჩავამ „ლელოს" ინიციატივაზე კომენტარისას აღნიშნა.

მისივე თქმით, „ის, რომ დღეს მთავარი ოპოზიციური მოთამაშე არის „ერთიანი ნაციონალური მოძრაობა", ამას თავად „ოცნების" მიერ ჩატარებული არჩევნებიც კი ადასტურებს".

„იცით, არჩევნები რა პირობებში ტარდებოდა და ივანიშვილისთვის მთავარი სამიზნე ყოველთვის იყო „ერთიანი ნაციონალური მოძრაობა". მაგრამ მიუხედავად ამისა, ჩვენ ვიყავით და ვართ მთავარი ოპოზიციური მოთამაშე. ყველა ადეკვატური უნდა იყოს საკუთარ საარჩევნო გათვლებში და მთავარი სამიზნე არ უნდა დავივიწყოთ. ეს არის ივანიშვილის რეჟიმის დამარცხება, რასაც აუცილებლად შევძლებთ, თუ მაქსიმალური კონსოლიდაციით შევალთ 2024 არჩევნებში.

„ლელოს" ნაცვლად ვერ ვისაუბრებ. მათ თავიანთი საარჩევნო სტრატეგია აქვთ. უბრალოდ, წარსული ასევე გვიჩვენებს, რომ ოპოზიციურ პარტიებზე თავდასხმა, თუ არის ისევ ოპოზიციური საარჩევნო სუბიექტის წინასაარჩევნო სტრატეგია, ეს მაინცდამაინც კარგად არ მუშაობს. ამას აჩვენებს ახლო წარსული. იმედი მაქვს, ასეთ სტრატეგიას არ აირჩევენ პროდასავლელი პოლიტიკოსები. იმიტომ, რომ ჩვენ გვინდა გამარჯვება, ჩვენი ქვეყნის გამარჯვება. ყველა უნდა ამოვიდეს აქედან და არ უნდა ჰქონდეს ვიწროპარტიული ხედვა, რომელიც მართლაც ძალიან დამაზიანებელი იქნება ჩვენი ქვეყნისთვის",- განაცხადა ბოკუჩავამ.

„ლელოს" ერთ-ერთმა ლიდერმა, ბადრი ჯაფარიძემ განაცხადა, რომ „ქართული ოცნების" დამარცხების გასაღებია ისეთი გაერთიანების შექმნა, სადაც „ნაციონალური მოძრაობა" არ იქნება.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×