რეზონანსი
31.03.2023

„ლიბერთის" თანადგომით, პროგრამირების მხარდაჭერის ასოციაციამ, ევროპის უნივერსიტეტში მოსწავლეთა ინფორმატიკის საერთაშორისო ოლიმპიადა ჩაატარა.

"ლიბერთი აგრძელებს განათლების მხარდაჭერას და იმ პროექტების ხელშეწყობას, რომელიც დაეხმარება ახალგაზრდებს, ჰქონდეთ მომავალი პროფესიის არჩევის მოტივაცია ინფორმაციული ტექნოლოგიების მიმართულებით.  პროგრამირების მხარდაჭერის ასოციაციასთან ერთად, მომავალშიც ვგეგმავთ სხვადასხვა საინტერესო  პროექტების განხორციელებას და ნიჭიერი მოსწავლეებისა და სტუდენტების წახალისებას“ - განაცხადა ავთანდილ ყავრელიშვილმა, "ლიბერთის" ინფორმაციული ტექნოლოგიების დირექტორის მოადგილემ, დეველოპმენტის უფროსმა.

ოლიმპიადა 12 მარტს გაიხსნა და ერთდროულად 4 საშეჯიბრო მოედანზე გაიმართა. მათგან ორი საქართველოში - თბილისში, "ევროპის უნივერსიტეტსა“ და  ქუთაისის უნივერსიტეტში ხოლო  ორი უკრაინაში, უჟგოროდის ეროვნულ უნივერსიტეტსა და ქალაქ ხუსტში, მრავალპროფილიან ლიცეუმში ჩატარდა.

ოლიმპიადაში მონაწილეობა 72-მა მოსწავლემ მიიღო, მათ შორის 37-მა საქართველოდან, 35-მა კი უკრაინადან. ოლიმპიადა  ალგორითმული ტურის სახით ჩატარდა და 28 მარტს ოლიმპიადის საზეიმო დახურვის ცერემონია გაიმართა. ყველაზე მაღალი შედეგი აჩვენა 15 წლის არჩილ ბერაიამ. ყველა საპრიზო ადგილი  ასევე ქართველმა მოსწავლეებმა  დაიკავეს.

"ლიბერთი" ქვეყნის ერთ-ერთი უმსხვილესი კომერციული ბანკია, რომელიც 1,7 მილიონზე მეტ ფიზიკურ პირს და 50 000-ზე მეტ მცირე და საშუალო ბიზნესს ემსახურება. ბანკის აქტივები 3 მლრდ ლარს შეადგენს და დასაქმებულია 4500-ზე მეტი თანამშრომელი. ლიბერთი ქვეყნის მასშტაბით წარმოდგენილია ყველაზე ფართო ქსელით - 360-ზე მეტი მომსახურების ცენტრით, 632 ბანკომატით, თვითმომსახურების და POS ტერმინალებით საქართველოს ყველა რეგიონსა და მუნიციპალიტეტში. განვითარებული ინფრასტრუქტურის გარდა, როგორც ფიზიკური, ასევე იურიდიული პირებისთვის ხელმისაწვდომია თანამედროვე ციფრული სერვისები და დისტანციური მომსახურება.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×