პრეზიდენტი ზელენსკი ფრონტის ხაზზე ჩავიდა და უკრაინის შეიარაღებულ ძალებს პროფესიული დღე აქტიური საომარი მოქმედებებიდან დაახლოებით 50 კმ მანძილიდან მიულოცა. ვოლოდიმირ ზელენსკის ვიდეომიმართვა დონეცკის ოლქის ქალაქ სლავიანსკიდან, "ტელეგრამ" არხებით ვრცელდება.

უკრაინის პრეზიდენტმა კიდევ ერთხელ აღნიშნა, რომ ამაყობს უკრაინელი სამხედროებით და მადლობას უხდის მათ ქვეყნის წინაშე გმირობისა და თავდადებისთვის.

"ამ დღეს ფრონტის ხაზზე ვხვდები ჩვენს ჯარისკაცებს. დღეს ჩვენ დონბასში ვართ. საომარი მოქმედებების არეალი უფრო დიდი გახდა, ბრძოლა გართულდა, ფასი უფრო მაღალია", - განაცხადა სახელმწიფოს მეთაურმა.

დღეს, 6 დეკემბერს უკრაინის შეიარაღებული ძალების დღეა.