ბათუმში ერთ-ერთი სკოლის მე-12 კლასის მოსწავლეებს შორის ფიზიკური დაპირისპირების შედეგად, ერთი მათგანი დაშავდა. შემთხვევა სკოლის მიმდებარე ტერიტორიაზე გუშინ მოხდა.
როგორც დაშავებული მოსწავლის დედა ჰყვება ჩხუბი ტელეფონის სატენის გამო დაიწყო. მისი თქმით, ჩხუბი გაკვეთილზე დაიწყო და ამ დროს კლასში ინგლისურის მასწავლებელიც იქ იყო.
„ჩხუბი დაიწყო გაკვეთილზე, შემდეგ გაგრძელდა სკვერში. ბავშვი გაიყვანეს გარეთ, 25 ბიჭი დახვდა და სცემეს. 10 წამი ბავშვი გათიშული იყო. კონფლიქტი წამოიწია სატენის გამო. ჩემს შვილს უთხრეს, რომ მომიტანე შენი სატენიო. ამას უთქვამს, მოდი და აიღე სატენიო. შემდეგ დაუკითხავად აუღია და ამის გამო დაიწყო ჩხუბი, იმან დედა შეაგინა. ჩხუბი რომ დაიწყო ბავშვებსაც გაუხარდათ... ტაში დაუკრეს ამ ყველაფერს, ამ დროს იქ იყო ინგლისურის მასწავლებელიც" - ამბობს მოსწავლის დედა „ტვ პირველთან" საუბრისას.
მსუბუქად დაშავებული სკოლის მოსწავლე კლინიკაში გადაიყვანეს, მის სიცოცხლეს საფრთხე არ ემუქრება.