რეზონანსი
25.09.2022

საპარლამენტო უმრავლესობის წევრის დავით მათიკაშვილის განცხადებით, ოპოზიციის რადიკალურ ჯგუფებში სერიოზული დაპირისპირებაა და დაპირისპირება მეტად ღრმავდება, როცა საკითხი ეხება კეზერაშვილის შავ ფულს.

„ბოლო პერიოდში ჩვენ კარგად ვნახეთ, ვინ გამოიჩინა თავი კეზერაშვილის დასაცავად - „ნაცმოძრაობის" ცნობილი ზონდერები კირკიტაძე, ხაბეიშვილი და რომან გოცირიძე, ამ შემადგენლობას დაემატა ელენე ხოშტარია, რომელიც არ კმარობს რუსეთიდან მიღებულ მილიონობით რუბლებს და ღიად აცხადებს, რომ კეზერაშვილის შავი ფულით ხდება მისი და მისი თანაპარტიელების დაფინანსება. ეს მეტყველებს ერთადერთ რამეზე, დაპირისპირება, რომელიც „ნაციონალურ მოძრაობაში" და მის განშტოებებშია, ცხადია, თავს იჩენს განსაკუთრებით მაშინ, როდესაც ეს ყველაფერი ეხება დაფინანსებას და ფულს, შავ ფულს, კრიმინალური გზით მოპოვებულ თანხებს, რომლითაც ფინანსდება „ნაციონალური მოძრაობა" და მისი განშტოებები. ყველაფერ ამას, რა ქმა უნდა, ექნება შედეგი და გავლენა, თვითონ ამ ე.წ. პარტიებზე და როგორც აქამდე, საზოგადოება, ელექტორატი მას სათანადო პასუხს და განაჩენს სწორედ არჩევნებზე გასცემს. მანამდე კი, ესეც საკითხავია, აღნიშნული პარტიები როგორ შეინარჩუნებენ საერთო ერთობას და იქნებიან დღის წესრიგში", - აღნიშნა დავით მათიკაშვილმა.

„ნაციონალური მოძრაობის" თავმჯდომარე ნიკა მელიამ საქართველოს პირველი არხის ეთერში განაცხადა, რომ „რაც უფრო შორს იქნება პოლიტიკური სპექტრისგან კეზერაშვილი, მით უკეთესი იქნება პირადად მისთვის და ქართული პოლიტიკური ცხოვრებისთვის, მით უფრო ივანიშვილის წინააღმდეგ ბრძოლის პროცესში".

ამასთან, „დროას" ლიდერმა, ელენე ხოშტარიამ სოციალურ ქსელში დაწერა, რომ დავით კეზერაშვილთან „პარტნიორობს და იპარტნიორებს".

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×