რეზონანსი
08.08.2022

რუსეთის ფედერაციის მთელი ბირთვული ინდუსტრიის წინააღმდეგ სანქციები უნდა იქნას მიღებული რაც შეიძლება მალე, კერძოდ, რუსეთის ფედერაციის მუქარის გამო ზაპოროჟიეს ატომურ ელექტროსადგურთან დაკავშირებით,- ამის შესახებ უკრაინის პრეზიდენტის ოფისის ხელმძღვანელმა ანდრეი ერმაკმა განაცხადა.

„რუსეთის ბირთვულმა შანტაჟმა არ იმუშავა ადრე და არ უნდა იმუშაოს არც ახლა. ზაპოროჟიეს ატომურ ელექტროსადგურთან დაკავშირებული მუქარის საუკეთესო პასუხი უკრაინული ტერიტორიების დეოკუპაციაა. როდესაც ტერორისტი აყენებს პირობებს, ამაზე პასუხი ძლიერი უნდა იყოს. რუსეთის ფედერაციის მთელი ბირთვული ინდუსტრიის წინააღმდეგ სანქციები უნდა იქნას მიღებული რაც შეიძლება მალე. ანტირუსული კოალიციის გახლეჩა ვერ მოხდება. რუსეთი ცდილობს უკრაინის მიმართ ნდობისთვის ძირის გამოთხრას თავისი პროვოკაციებით, თუმცა საპასუხოდ ის აღიარებული უნდა იქნას ტერორიზმის დამფინანსებელ ქვეყნად“,- განაცხადა ერმაკმა.

ერმაკმა ხაზგასმით აღნიშნა, რომ 21-ე საუკუნეში მხოლოდ სრული იზოლაციის მთავარ კანდიდატს შეუძლია მსოფლიოს ატომური ელექტროსადგურით დაემუქროს.

„ეს არის იზოლაცია, რომელიც ჩვენ ერთად უნდა უზრუნველვყოთ რუსეთის ფედერაციისთვის“, - აღნიშნა პრეზიდენტის ოფისის ხელმძღვანელმა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×