იურიდიულ საკითხთა კომიტეტის თავმჯდომარის, ანრი ოხანაშვილის თქმით, „ქართული ოცნება" არის პირველი, რომელმაც განაცხადა, რომ მათთვის პარტიულ ინტერესებზე უფრო მნიშვნელოვანი ქვეყნის ინტერესებია და მზად არიან გარკვეული მორატორიუმი გამოაცხადონ აგრესიულ რიტორიკაზე.

მისი თქმით, დაელოდებიან კონკრეტულ შემხვედრ ნაბიჯებს.

„ჩვენ გვექნება კონსულტაცია ყველა პოლიტიკურ სუბიექტთან. „ქართული ოცნება" არის პირველი, რომელმაც განაცხადა, ქვეყნის ინტერესები ჩვენთვის უფრო მნიშვნელოვანია, ვიდრე პარტიული და ჩვენ მზად ვართ გარკვეული მორატორიუმი გამოვაცხადოთ აგრესიულ რიტორიკაზე, კამპანიაზე და ა.შ. დაველოდებით კონკრეტულ შემხვედრ ნაბიჯებს", - განაცხადა ანრი ოხანაშვილმა.