"სირცხვილიას" წევრის, შოთა დიღმელაშვილის განცხადებით, აქციის მონაწილეებს გეგმას ეტაპობრივად გაუმხელენ, რადგან სრულად გამხელა, საფრთხეში აგდებს ამ გეგმას.  შეკრებილები კი სკანდირებენ და სამოქმედო გეგმას ითხოვენ.

მისივე განცხადებით, გეგმის ერთი ეტაპი რუსთაველზე შეკრებილებისთვის დაახლოებით ნახევარ საათში გახდება ცნობილი. თუმცა, უკვე ცნობილია ის, რომ აქციის მონაწილეთა ნაწილი, ის ვისაც სურვილი აქვს, ღამეს რუსთაველის გამზირზე, პარლამენტის შენობის წინ გაათევს.