რეზონანსი
03.07.2022

პარლამენტის წინ შეკრებილებიდან 3 000 ადამიანი "ქართული ოცნების" ოფისთან გადაინაცვლებს - ამის შესახებ ინიციატივა ტრიბუნიდან გიორგი მშვენიერაძემ გააჟღერა და თქვა, რომ ამ ადამიანებს წინ თავად გაუძღვება. 

მშვენიერაძემ ხაზგასმით აღნიშნა, რომ ეს იქნება პირველი კერა და მათი მოქმედება იქნება არაძალადობრივი. 

"პირველ ნაბიჯს გადავდგამთ, რადგან ხელისუფლებას 1 საათსა და 40 წუთში ეწურება ვადა, რომელიც ქართველმა ხალხმა მისცა. ეს ვადა იყო, გადამდგარიყო სამარცხვინო ღარიბაშვილი, მისი სამარცხვინო მთავრობით და მოგვცემოდა საშუალება, შეგვექმნა ეროვნული თანხმობის მთავრობა...

პირველი ნაბიჯი - გვჭირდება 3 000 ადამიანი თქვენგან, რომელიც მზად იქნება, მივიდეთ პირველ სიმბოლოსთან-"ქართული ოცნების" ოფისთან. აქედან 3 000 ადამიანი არც მეტი, არც ნაკლები! მე წამოვალ წინ და 3 000 ადამიანი ვდგებით "ქართული ოცნების" ოფისთან. დანარჩენები ვრჩებით აქ და იქნება პირველი დამოუკიდებელი კერა, სადაც იქნება არაძალადობრივი, მაგრამ მკაცრი აქცია" ,- თქვა მშვენიერაძემ. 

გიორგი მშვენიერაძემ თქვა, რომ თუ ხელისუფლება მომდევნო წუთებში არ გადადგამს ნაბიჯს უკან, ასეთი კერა ბევრი გაჩნდება. 

ორგანიზატორები რუსთაველის გამზირზე შეკრებილებს გეგმას ეტაპობრივად აცნობენ. უკვე ცნობილია ის, რომ აქციის მონაწილეთა ნაწილი ღამეს პარლამენტის შენობასთან გაათევს.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×