„არავინ იცის, მაგრამ ჩვენ ვაკეთებთ ყველაფერს, რომ უკრაინა დარჩეს სუვერენულ სახელმწიფოდ და მთელ ქვეყანას შეეძლოს მშვიდობიანად, თავისუფლად ცხოვრება ერთად. როგორც პრეზიდენტმა ზელენსკიმ თქვა, ეს არის იმედი და ჩვენ ყველაფერი უნდა გავაკეთოთ, რომ იმედი დარჩეს. სწორედ ამიტომ ნატო-ს სამიტზეც ხაზს ვუსვამთ, რომ ჩვენ ვაგრძელებთ უკრაინისთვის მძიმე შეიარაღების მიწოდებას და ამ ძლისხმევას ვაძლიერებთ. ახლა ყველა დღე მნიშვნელოვანია. ჩვენ არ ვიცით, რამდენ ხანს გაგრძელდება ომი. ის შეიძლება, გაჩერდეს ხვალ, თუ რუსეთის პრეზიდენტი შეწყვეტს დაბომბვას. ყველაფერი მასზეა დამოკიდებული. მას შეუძლია ომის ხვალვე დასრულება და შემდეგ შეგვიძლია, გადავჭრათ მსოფლიოს წინაშე არსებული გამოწვევები. მაგრამ ვიდრე ომი გრძელდება, ყოველ დღე კვდებიან ჯარისკაცები, მოქალაქეები. ამიტომ, შეიარაღების მიწოდებით ჩვენ სიცოცხლეების გადარჩენა შეგვიძლია", - განაცხადა ანალენა ბერბოკმა.