რეზონანსი
16.05.2022

თვალების სიყვითლე, უმადობა, გულის რევის შეგრძნება, გონების დაბინდვა - ჯანდაცვის მსოფლიო ორგანიზაციამ მწვავე ჰეპატიტის აფეთქება დააანონსა

თვალების სიყვითლე, უმადობა, ძლიერი სისუსტე, გულის რევის შეგრძნება და გონების დაბინდვა,- ეს მკვეთრად გამოხატული სიმპტომები, დაუდგენელი წარმოშობის ინფექციას - მწვავე ჰეპატიტს ახასიათებს. მეცნიერებისთვის ჯერ ამოუხსნელი ახალი ვირუსი, სწრაფად ვითარდება და რამდენიმე დღეში ბავშვის მდგომარეობა იმდენად მძიმდება, რომ შესაძლოა ღვიძლის გადანერგვაც გახდეს საჭირო. ინფიცირების შემთხვევები ძირითადად 1-დან 16 წლამდე მოზარდებშია გამოვლენილი.

მწვავე ჰეპატიტის გამომწვევი, ზუსტი მიზეზები ჯერჯერობით დაუდგენელია, თუმცა კვლევებმა აჩვენა, რომ დაავადება გაციების ტიპის სიმპტომებით იწყება და ინფიცირების პირველი დღეს შესაძლოა მძიმე ალერგიული ფონიც კი გააქტიურდეს. ამერიკის დაავადებათა კონტროლის ცენტრმა, ბავშვებში მწვავე ჰეპატიტის 109 შემთხვევა უკვე შეისწავლა. ინფიცირებულების 90%- ს ჰოსპიტალიზაცია დასჭირდა. აქედან. 14%-ს იმდენად მძიმე ფორმა დაუდგინდა, რომ ღვიძლის გადანერგვა გახდა საჭირო, 5 კი გარდაიცვალა.

ჯერჯერობით, ამოუხსნელი მწვავე ჰეპატიტის ვირუსი, საქართველოში, ბავშვებში გავრცელებული არ არის. დაავადებათა კონტროლის ცენტრში ამბობენ, რომ ამ ეტაპზე არც საეჭვო ნიმუშებს სწავლობენ, თუმცა პრევენციისთვის მზადება უკვე დაწყებულია და პედიატრიულ კლინიკებს მითითებები მიცემული აქვთ.

მსოფლიო ჯანდაცვის ორგანიზაციამ მწვავე ჰეპატიტის აფეთქება უკვე დაანონსა. უცნობი დაავადება ერთ თვეში, 25 ქვეყანაში გავრცელდა. ოფიციალური მონაცემებით, სულ 500- მდე შემთხვევაა გამოვლენილი და 11 ბავშვია გარდაცვლილი.

"რუსთავი 2"

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×