რეზონანსი
08.12.2021

მე არც მანამდე არ ვიყავი აღფრთოვანებული მისი მდგომარეობით, მაგრამ დღეს აშკარად უარესადაა, სულ წოლა უნდოდა, ოდნავ განძრევა და თავბრუსხვევა აქვს, - ამის შესახებ მიხეილ სააკაშვილის დედამ, გიული ალასანიამ გორის ჰოსპიტალში ექსპრეზიდენტის მონახულების შემდეგ განაცხადა.

მისი თქმით, მიხეილ სააკაშვილი „პატარა სივრცეშია გამოკეტილი" და ეს მისი ადრინდელი ცხოვრების ტემპიდან გამომდინარე, უარყოფითად მოქმედებს მის ჯანმრთელობაზე.

„გუშინ რაც მოხდა, გავიგეთ და როგორც ჩანს, მაგან დაამძიმა. განერვიულებულია და სისუსტე აშკარად არის გამოხატული.

პატარა სივრცეში გამოკეტილი ადამიანი, რომელიც იცით, როგორ შრომობდა წლების მანძილზე, მე სხვა მისი მდგომარეობა არც მახსოვს, ერთდროულად 10 საქმეს აკეთებდა და კიდევ მე-11-ზე ფიქრობდა, ასეთი ტემპი ჰქონდა ცხოვრების წესი და უცებ, სრულიად შეეცვალა ეს ცხოვრების წესი და არის გამოკეტილი. უბრალოდ ეს მდგომარეობაც კი გაგხდის ავად. მინდა, რომ გავიდეს აქედან, ამ მდგომარეობიდან გავიდეს.

ეს შენობაც ხომ მისი აშენებულია, ის სასახლეც ხომ მისი აშენებულია, საერთოდ, საითაც არ უნდა გაიხედო, რასაც არ უნდა შეხედო, ხომ მისი გაკეთებულია?! ძალიან გულდასაწყვეტია ის, რაც ხდება", - განაცხადა გიული ალასანიამ.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×