რეზონანსი
22.06.2021

ბიზნესიდან პოლიტიკაში მოსული ლევან ვასაძე აცხადებს, რომ ქვეყანაში არავითარი პრაიდი არ ჩატარდება. თუ ქვეყანაში მის აღკვეთას ხელისუფლება ვერ შეძლებს, მაშინ ამას თავად, საკუთარ მხარდამჭერებთან ერთად მოახერხებს.

„მე მოვისმინე ირაკლი კობახიძის განცხადება, რომ პრაიდი არ უნდა ჩატარდეს. აღვიქვი ეს პირველ პოზიტიურ სიგნალად, საპასუხოდ ჩვენი მოწოდებისა. ახლა ველოდები უკვე შესაბამის სიგნალს ირაკლი ღარიბაშვილისგან, რომელსაც მე ვიცნობ როგორც 4 შვილის მამას, მეოჯახე კაცს, ტრადიციულ ქართველ ადამიანს და უცნაური პარადოქსი იქნება თუ ირაკლი კობახიძე, რომელიც ბევრად უფრო ლიბერალური ყაიდისაა, ამგვარ განცხადებას გააკეთებს და ირაკლი ღარიბაშვილი მსგავს განცხადებას არ გააკეთებს. დიდი იმედი მაქვს, რომ 25 ივნისამდე ეს განცხადება გაკეთდება და პრაიდი აუცილებლად უნდა გაუქმდეს. 

ღმერთმა ნუ ქნას, თუ აღმასრულებელ ხელისუფლებას არ ეყოფა კეთილგონიერება გადადგას აუცილებელი ნაბიჯები, რათა ავირიდოთ ეს სოციალური დაძაბულობა და ეცდება ჩაატარებინოს რადიკალებს ყოვლად მიუღებელი ღონისძიებების სერია, მაშინ ჩვენ არავითარ შემთხვევაში არ დავუშვებთ. ნებისმიერ შემთხვევაში ქვეყანაში არავითარი პრაიდი არ ჩატარდება“, - აცხადებს ვასაძე.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×