რეზონანსი
15.05.2021

მხოლოდ იმ შემთხვევაში უნდა შევიდეთ პარლამენტში, თუ ამას გვეტყვის ჩვენი ამომრჩეველი, - ამის შესახებ „ნაციონალური მოძრაობის" წევრმა, გია ბარამიძემ განაცხადა.

მისი თქმით, გადაწყვეტილება მხოლოდ მხარდამჭერების გამოკითხვის შემდეგ უნდა იქნეს მიღებული.

„მხოლოდ იმ შემთხვევაში უნდა შევიდეთ პარლამენტში, თუ ჩვენ ამას გვეტყვის ჩვენი ამომრჩეველი, ჩვენი რიგითი წევრებისა და მხარდამჭერების მაქსიმალური რაოდენობა. მათი გამოკითხვის საშუალებას მოგვცემს 21 საუკუნის ტექნიკური შესაძლებლობები, „ფეისბუქი" იქნება თუ სხვა.

ჩემი ინიციატივაა, რომ მხოლოდ ასე უნდა ჩატარდეს ეს გამოკითხვა და გადაწყვეტილება მხოლოდ ასე უნდა მიიღოს „ნაციონალურმა მოძრაობამ", თუ არ გვინდა რომ ხალხის ნდობა დავკარგოთ და თუ არ გვინდა, რომ მნიშვნელოვანი ბზარი გავაჩინოთ პარტიაში. როგორც თავის დროზე მივიღეთ პარტიის თავმჯდომარის არჩევასთან დაკავშირებით გადაწყვეტილება, ახლაც ასევე უნდა მივიღოთ ჩვენი რიგითი წევრებისა და მხარდამჭერების იმ ელექტრონული იდეების პრაიმერისით, რომლის ჩატარების საშუალება გვაქვს და ესაა ჩვენი წინადადება პოლიტსაბჭოს მიმართ. იმედია, პოლიტსაბჭო მიიღებს ამ გადაწყვეტილებას", - განაცხადა ბარამიძემ.

 

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×