ინფლაცია იმაზე სწრაფად იზრდება, ვიდრე მოსალოდნელი იყო. თანაც ეს ხდება იმ ფონზე, როდესაც მთავრობა სურსათის ფასებზე კონტროლს იწყებს. ფასი ჯერაც მატულობს როგორც იმპორტულ, ასევე ადგილობრივი წარმოების პროდუქციაზე. სპეციალისტები ფიქრობენ, რომ დინამიკა თუ შენარჩუნდა, ინფლაცია მიზნობრივ მაჩვენებელს საგრძნობლად გადააჭარბებს.

თბილისის მოსახლეობა შეშფოთებულია, რადგან მიაჩნიათ, რომ იანვარში მოხმარებული ბუნებრივი აირის გადასახადი გაცილებით მეტია, ვიდრე რეალურად მოიხმარეს. პრობლემა ახალი არ არის, ბოლო წლებში, თებერვლის დასაწყისში, ანუ მაშინ, როდესაც იანვრის გადასახადი მოდის, მოსახლეობა აღშფოთებას ვერ მალავს - თითქოს, იგივე რაოდენობის გაზი მოიხმარეს, როგორც შარშან ან შარშანწინ, მაგრამ გადასახდელი მეტია. 

არანორმალური შემდეგ, ოქროსა და ვერცხლის ღირებულება ერთბაშად დაეცა. ძვირფასი ლითონების ბაზარზე ფასების მკვეთრი ვარდნა იანვრის ბოლოდან დაიწყო და ტენდენცია კვლავ გრძელდება. სპეციალისტები ფასის დაცემას დიდწილად, მსოფლიოში  მიმდინარე გეოპოლიტიკურ პროცესებს უკავშირებენ, თუმცა იქვე აღნიშნავენ, რომ ეს პროცესი დიდხანს ვერ გაგრძელდება, მით უმეტეს იმ ფონზე, როდესაც ოქრომ მეტი  საინვესტიციო ღირებულება შეიძინა. 

სურსათის ფასების კონტროლის დაწყების პარალელურად, მომსახურების სერვისი გამუდმებით ძვირდება. რესტორნებში ერთი ადამიანის საშუალო ხარჯი 50 ლარიდან იწყება და 80-100 ლარს აჭარბებს. ამის მიზეზად სექტორში სურსათზე ფასების ზრდას, კომუნალური გადასახადების სიძვირეს და ზოგადად დიდ მოთხოვნას მიიჩნევენ, განსაკუთრებით კი ტურიზმის გააქტიურებას, მით უმეტეს, დედაქალაქში. რეგიონში მდებარე ტურისტულ ობიექტებში ამ მხრივ ცოტათი განსხვავებული დინამიკაა, თუმცა მომსახურება მაინც ყველგან გაძვირდა.

საქართველოს ეკონომიკური ზრდის პროგნოზი  2026 წელსაც ოპტიმისტურია. როგორცეკონომისტები, ასევე კვლევითი ორგანიზაციები, საქართველოს მთავრობა და უკვე გლობალური სტრუქტურებიც ზედიზედ დამაიმედებელ პროგნოზებს აკეთებენ და ირწმუნებიან, რომ ეკონომიკა იმაზე მეტად გაიზრდება, ვიდრე 2025 წელს იყო. 

„ბლუმბერგის“ შეფასებით, ამერიკული დოლარი ბოლო ერთი წლის განმავლობაში, 10.7%-ით გაუფასურდა. აშშ-ის პრეზიდენტმა, დონალდ ტრამპმა კი დოლარის დინამიკა სათამაშო „იო-იო“-ს შეადარა, რომელიც მიფრინავს და ელასტიური ლენტით ისევ პატრონს უბრუნდება. ფაქტია, რომ ტრამპი ამ „ლენტის მოჭიმვას“ არ აპირებს და ბაზარმაც პრეზიდენტის განცხადება ისე აღიქვა, რომ აშშ-ის ადმინისტრაცია დოლარის შეკავებას არ აპირებს, რითაც ტრეიდერებს „მწვანე შუქი“ აუნთეს. შედეგი კი დოლარის გაუფასურებაა, რასაც საერთაშორისო ბაზრებზე ოქროსა და ვერცხლის მკვეთრი გაძვირება მოჰყვა.

სურსათის ფასების პარალელურად მთავრობა მედიკამენტების ფასის რეგულირებაზე მუშაობას აგრძელებს. უნდა აღინიშნოს ის გარემოებაც, რომ ფარმაცევტულ ინდუსტრიაში ფასების კლების ტენდენციაზე ადრეც საუბრობდნენ, გარკვეული ცვლილებაც განხორციელდა, მაგრამ საზოგადოებისათვის ამან გადამწყვეტი შედეგი ვერ გამოღო. ამიტომაც, პრემიერის ინიციატივით ფარმაცევტული კომპანიების წარმომადგენლებთან კონკრეტული შეხვედრა გაიმართა. მას 25 ფარმაცევტული კომპანიის წარმომადგენელი დაესწრო. 

მართალია, გასულ წელს, საცხოვრებელი ბინების გაყიდვები 11%-ით გაიზარდა, მაგრამ მხოლოდ ძველ პროექტებში. სწორედ ამგვარი ტენდენცია ჩანს „თიბისი კაპიტალის“ ბაზრის მიმოხილვის მიხედვით. ექსპერტების ნაწილი ამ ფაქტს იმით ხსნის, რომ მყიდველი სხვადასხვა ფაქტორს ითვალისწინებს - ბინის მდგრადობას, არის თუ არა ავარიული და სად მდებარეობს. იქიდან გამომდინარე, რომ ცენტრალურ უბნებში ახალი კორპუსების მშენებლობები თითქმის არ არის, ცხადია, ეს ზრდის მოთხოვნას ძველ აშენებულ ბინებზე. ამ მოსაზრებას არ იზიარებს ექსპერტთა მეორე ნაწილი, რადგან მათი აზრით, მოსახლეობა ძველ აშენებულ ბინებს უფრო ენდობა, ვიდრე ახლადაშენებულს. 

პრემიერ-მინისტრ ირაკლი კობახიძის ინიციატივის ფარგლებში, რომელიც სურსათის, მედიკამენტებისა და საწვავის ფასების შემცირებას უკავშირდება, საპარლამენტო კომისიაც ამუშავდება. სამთავრობო კომისიის პარალელურად, უკვე მომავალი კვირიდან, მუშაობას დაიწყებს საპარლამენტო კომისიაც, რომელსაც გავრცელებული ინფორმაციით, ფრაქცია „ქართული ოცნების“ თავმჯდომარის მოადგილე, შოთა ბერეკაშვილი უხელმძღვანელებს. 

გლობალურ ბაზრებსა და უკვე საქართველოშიც ოქროს ფასი მკვეთრად გაიზარდა, თანაც ოქროსთან შედარებით, მისი გაძვირების მასშტაბი გაცილებით სწრაფია. თუკი ერთწლიან ჭრილში ოქრო დაახლოებით 150%-ით არის გაძვირებული, ვერცხლის შემთხვევაში ეს მაჩვენებელი 600%-ს შეადგენს. სპეციალისტები ვარაუდობენ, რომ ტენდენცია გაგრძელდება.