გვანცა წულაია
19.01.2023

2022 წელს საქართველოს ეკონომიკა, თითქმის ყოველთვიურად ორნიშნა ეკონომიკურ ზრდას აჩვენებდა. დიდია ალბათობა იმისა, რომ დეკემბერშიც ანალოგიური შედეგი იქნება. ამ ფაქტორის გათვალისწინებით, მთავრობას საგარეო ვალების აღების საჭიროება ნაკლებად არსებობდა და ვალის მოცულობა მშპ-თან მიმართებით მკვეთრად შემცირდა. მთავრობასთან ერთად, ეკონომისტების მოლოდინიც პოზიტიურია. ისინი ამბობენ, რომ მომავალ წლებში საგარეო ვალის თანაფარდობა მაკროეკონომიკურ პარამეტრთან უფრო მეტად შემცირდება.

თიკა სიბოშვილი
18.01.2023

ქვეყანაში უკვე დიდი ხანია, რაც ინფლაციას და მაღალ განაკვეთებს ებრძვიან, თუმცა 2022 წელი ისე დასრულდა, რომ ამ მხრივ მნიშნველოვანი ცვლილება არ ყოფილა. პირიქით, წლის დასასრულს სესხებზე საპროცენტო განაკვეთი ისევ მკვეთრად მაღალი იყო. როგორც ეროვნულ ბანკში პროგნოზირებენ 2023 წელს ინფლაცია შემცირდება და შესაბამისად, მონეტარული პოლიტიკა შერბილდება. სპეციალისტები  ერთხმად ამბობენ, რომ ასეთ შემთხვევაში გაძვირებული სესხები გაიაფდება  და შედარებით მდგომარეობა გამოსწორდება.

გვანცა წულაია
18.01.2023

საერთაშორისო ენერგეტიკულ ბირჟებზე ნავთობი მკვეთრად ძვირდება. ერთი ბარელი "ბრენტის” ღირებულება 88 დოლარზე ავიდა, ამერიკული "ლაითი” 82 დოლარამდე გაძვირდა, რაც შეეხება რუსულ ნავთობს, ბარელი "ურალსის” ფასიც თითქმის 3%-ითაა გაზრდილი და 57 დოლარს შეადგენს. ირკვევა, რომ მოკლე პერიოდში მიღებულ ფასთა ცვლილებას საქართველოზე ასახვა არ ექნება.

გვანცა წულაია
17.01.2023

თურქული ჰოლდინგური კომპანია ანაკლიის პორტის პროექტში ინვესტირებითაა დაინტერესებული. ცნობილია, რომ თებერვლის ბოლოს-მარტის დასაწყისში მოხდება გარკვეული საბუთების გადაგზავნა და ასევე იგეგმება დაინტერესებული კომპანიის ხელმძღვანელი პირების ვიზიტი საქართველოში, რომლებიც ადგილზე გაეცნობიან პროექტის დეტალებს და შეხვდებიან ხელისუფლების წარმომადგენლებს.

გვანცა წულაია
17.01.2023

2022 წელი ავტობიზნესისთვის უკეთესი იყო, ვიდრე 2021 წელი, თუმცა ეს საერთოდ არ ნიშნავს, რომ მიღებული შედეგი ძალიან კარგია. მართალია, შარშან ავტომობილებზე მოთხოვნა გაიზარდა, თუმცა პარალელურად გაძვირდა მისი ღირებულებაც. გარდა ამისა, ლოგისტიკური ხარჯმაც მოიმატა და მიუხედავად იმისა, რომ ამერიკაში მეორადი მანქანები მკვეთრად გაიაფდა, საქართველოში მსგავსს არაფერს ელდებიან.

ქეთო გოგოხია
17.01.2023

საახალწლო პერიოდში გალი, ფაქტობრივად, ბლოკადაში იყო მოქცეული და პრობლემის დიდი ნაწილი ჯერ კიდევ მოუგვარებელია. ოკუპირებულ რეგიონს სულ ცოტა ხნის წინ ელექტროენერგიის მიწოდება აღუდგა, თუმცა მოსახლეობა დენს ისევ გრაფიკითიღებს. ადგილობრივების ინფორმაციით, ყველაზე მეტად ხალხს მიმოსვლის პრობლემა აწუხებს, რის გამოც ვერც თხილი გაყიდეს სარფიანად და ვერც ციტრუსი, შესაბამისად, შემოსავალიც არ დარჩათ და მძიმე სოციალურ პირობებში უწევთ ცხოვრება.

თიკა სიბოშვილი
16.01.2023

ქვეყანაში მედიკამენტებზე რეფერენტული ფასები დაწესდა, რაც ნიშნავს იმას, რომ კონკრეტული დასახელების წამლების მაღალ ფასად რეალიზაცია აიკრძალება და აფთიაქები წამლებზე ფასებს თავისი სურვილით ვეღარ დააწესებენ. ეს ეხება 1300-ზე მეტ ქრონიკულ და ონკოლოგიურ მედიკამენტს, ხოლო მომავალში შესაძლოა, მათი რაოდენობა გაიზარდოს კიდეც. დადგენილება ძალაში 2023 წლიდან შევიდა და ზედა ზღვრული ფასით მედიკამენტების რეალიზაცია აფთიაქებისთვის, სავალდებულო 15 თებერვლიდან იქნება.

ქეთო გოგოხია
16.01.2023

გაზის მოხმარება მოსახლეობის ჯანმრთელობასა და უსაფრთხოებას დიდ რისკს უქმნის. მით უმეტეს, როცა იგი დაბალი ხარისხისაა.  ამ დროს მთელი თბილისი და ასევე რეგიონებიც, უხარისხო გაზით მარაგდება, რაც საფრთხეს განსაკუთრებით ზრდის.  სპეციალისტების რეკომენდაციაა, გაზის მოხმარების პირობები სათანადოდ მოწესრიგდეს  და კონტროლი გაძლიერდეს. მით უმეტეს,  ბუნებრივი აირი საშიშია მაშინაც, როცა მხოლოდ გაზქურა მუშაობს, იგი სახლში ჰაერის დაბინძურების დადგენილ ზღვარს არღვევს და ბავშვებში შეიძლება ჯანმრთელობის პრობლემება გამოიწვიოს, განსაკუთრებით ასთმური დაავადებები.

ქეთო გოგოხია
16.01.2023

უძრავი ქონების ბაზარზე გაძვირების ახალ ტალღას ელიან. ცვლილება რუსეთის მიერ მობილიზაციის შესაძლო გამოცხადებას უკავშირდება. ვრცელდება ინფორმაცია, რომ  რუსეთმა შეიძლება კიდევ ერთი მობილიზაცია გამოაცხადოს, რაც არსებულ ვითარებას რადიკალურად შეცვლის. ამ ეტაპზე ბინებზე როგორც ქირის, ასევე გაყიდვების სეგმენტში მოთხოვნა შემცირებულია, თუმცა ფასები კვლავ მაღალ ნიშნულზეა ნარჩუნdება. მიგრანტების ახალი ნაკადის შემოსვლა, რაც მარტიდან მოსალოდნელია, მოთხოვნასა და ფასებზეც არსებით გავლენას მოახდენს, რაზეც სექტორის წარმომადგენლები უკვე ალაპარაკდნენ.

გვანცა წულაია
12.01.2023

2022 წელს საქართველოს ავიაციის სტატიტიკური მაჩვენებელი პანდემიამდელ ნიშნულს კიდევ უფრო დაუხლოვდა. დარგმა შარშან იმაზე კარგი შედეგი აჩვენა, ვიდრე წინა - 2020 და 2021 წლებში ჰქონდა. მოგზაურობის მოყვარულები საქართველოს მიმართულებით აქტიურობენ და სტატისტიკური მონაცემებიც საკმაოდ კარგია. უკეთესის მოლოდინია თავად სფერში და სპეციალისტებშიც. ამბობენ, რომ 2023 წელს საქართველოში ტურისტების დიდი ნაკადი იქნება. შესაბამისად, ავიაციის წლევანდელი მაჩვენებილი პანდემიამდელ ნიშნულს გადააჭარბებს.

ქეთო გოგოხია
12.01.2023

წვრილფეხა პირუტყვზე ფასი და მოთხოვნაც მცირდება, მსხვილფეხა საქონლის შემთხვევაში კი ღირებულება მცირედით გაზრდილია, თუმცა ექსპორტზე მოთხოვნამ ბოლო პერიოდის განმავლობაში ამ მიმართულებითაც იკლო, რასაც სპეციალისტები ეპიდემიურ ვითარებას უკავშირებენ.

გვანცა წულაია
12.01.2023

საქართველოში საწვავი კიდევ გაიაფდება. დადებითი ტენდენცია, რომელიც შარშან დაიწყო, წელსაც გაგრძელდება. ღირებულების კლების მთავარი მიზეზი რუსეთის ბაზარია, სადაც ნავთობპროდუქტები იაფია. სწორედ მეზობელი ქვეყნიდან შემოაქვს საქართველოს საწვავი და ამ ფაქტორის გამო, თითქმის 10 თვეა იაფდება ბენზინიც და დიზელიც.


Copyright © 2006-2023 by Resonance ltd. . All rights reserved
×