საქართველოში საშუალო ხელფასების ზრდა წარმოების ზრდის ტემპს ბევრად აღემატება, რამაც შეიძლება  ქვეყნის ეკონომიკას სერიოზული პრობლემა  შეუქმნას. პირველ რიგში, საფრთხე მოსალოდნელია ინფლაციის მხრივ, ვინაიდან, როგორც სპეციალისტები აღნიშნავენ, წარმოება იზრდება და პროდუქტიულობა - არა, რაც სავარაუდოდ, ჭარბი ფულის კომპონენტის შექმნას და ინფლაციას გამოიწვევს. კომპანიები იძულებული არიან, რომ გაზარდონ ხელფასი,  რათა მუშა ხელი არ გაექცეთ, თუმცა თანმდევი პროცესები ეკონომიკისთვის არასახარბიელოა.