იპოთეკით დაზარალებული პირების საკუთარი საცხოვრებელი სახლებიდან გამოსახლების პროცესი საქართველოში კვლავ გრძელდება. ახლა მევახშეები და მიკროსაფინანსო ორგანიზაციები მდგომარეობას კიდევ უფრო მეტად ართულებენ. მათი გააქტიურება, სავარაუდოდ, იმიტომ შეინიშნება, რომ უძრავი ქონება ქვეყანაში საგრძნობლად ძვირდება და ჩამორთმეული ბინებისა და მიწებისაგან უფრო მეტი სარგებლის მიღება შეიძლება. არსებული, რთული სიტუაციის გამო კი, იპოთეკითა და მევახშეებისგან დაზარალებულთა ასოციაცია ხელისუფლებას მიმართავს და გამოსახლებების პროცესზე მორატორიუმის დაწესებას ითხოვს.