მოლდოვის ხელისუფლება აცხადებს, რომ რუსული დრონები ქვეყნის საჰაერო სივრცეში კვლავ შეიჭრნენ, რაც ქვეყნის ავიაციას, საფრთხეს უქმნის.
„როიტერის“ ინფორმაციით, ბოლო ცხრა დღის განმავლობაში ეს მესამე მსგავსი შემთხვევაა.
მოლდოვის პრეზიდენტმა, მაია სანდუმ, რუსეთის ქმედებები დაგმო და მოსკოვი დესტაბილიზაციის მოწყობის მცდელობაში დაადანაშაულა.
„სასტიკი 10-საათიანი თავდასხმა უკრაინაზე. ეს არაა დიპლომატიის ენა, არც ქვეყნის, რომელიც სამშვიდობო მოლაპარაკებებს იბრალებს. სამოქალაქო პირების დახოცვის გზაზე, რუსულმა დრონებმა კვლავ დაარღვიეს მოლდოვის საჰაერო სივრცე, რამაც მისი დროებითი დახურვა გამოიწვია. ვგმობთ ამ თავდასხმებს და გვერდში ვუდგავართ უკრაინას“, – დაწერა სანდუმ.
რუსეთის ელჩი მოლდოვაში, ოლეგ ოზეროვი, ინციდენტებთან დაკავშირებით არაერთხელ დაიბარეს მოლდოვის საგარეო საქმეთა სამინისტროში.