განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილე, საპარლამენტო უმრავლესობის წევრი, გიორგი სოსიაშვილი გამოეხმაურა ევროპარლამენტის მიერ ახალი კანონის მიღებას, რომელიც ევროკავშირში მესამე ქვეყნების ლობირებას უფრო გამჭვირვალეს გახდის.
„ევროკავშირის ბიუროკრატებს მომარაგებული აქვთ ნაცარი, რომ თვალებში შეგვაყარონ. აქ თურმე, „რუსული კანონია“ გამჭვირვალობა და იქ ჩვეულებრივი, ევროპული რეგულაციაა“, - აღნიშნა გიორგი სოსიაშვილმა.
ევროპარლამენტმა ევროკავშირში მესამე ქვეყნების ლობირების გამჭვირვალობასა და შესაბამისი რეესტრის შექმნის შესახებ კანონს მხარი დაუჭირა.
ახალი წესების მიხედვით, თითოეული ქვეყანა შექმნის ლობისტების რეესტრს, რომელსაც დამოუკიდებელი ორგანო მართავს და უზრუნველყოფს მონაცემების სიზუსტეს. რეესტრებს ერთმანეთთან ერთიანი პორტალი დააკავშირებს.