უკრაინის პრეზიდენტის ადმინისტრაციის ხელმძღვანელმა, ანდრეი ერმაკმა, რომელიც 28 ნოემბერს გაათავისუფლეს, განაცხადა, რომ ზელენსკიზე არ არის ნაწყენი. „ის ჩემი მეგობარი იყო ამ თანამდებობამდეც და მას შემდეგაც ასე მემახსოვრება“, - განაცხადა ერმაკმა Financial Times-თან ინტერვიუში.

მან ასევე გაიხსენა დონალდ ტრამპის სამშვიდობო გეგმაზე მოლაპარაკების შედეგები, „ჩემი ხელმძღვანელობით ჟენევაში დელეგაციამ, ჩვენს ამერიკელ პარტნიორებთან ერთად, მიაღწია იმას, რომ 28-პუნქტიანი დოკუმენტი აღარ არსებობს“ - თქვა მან.

ანდრეი ერმაკმა უკრაინის პრეზიდენტის ადმინისტრაციის უფროსის თანამდებობა გუშინ, 28 ნოემბერს დატოვა. იქამდე რამდენიმე საათით ადრე, უკრაინის ანტიკორუფციულმა ორგანოებმა მის სახლში ჩხრეკა ჩაატარეს. გავრცელებული ინფორმაციით, სავარაუდოდ, უკვე დასახელდა ერმაკის შემცვლელი - მის თანამდებობას უკრაინის ამჟამინდელი პრემიერმინისტრი, იულია სვირიდენკო დაიკავებს, ხოლო პრემიერის პოსტზე მოქმედი ვიცეპრემიერი და ციფრული ტრანსფორმაციის მინისტრი, მიხაილო ფედოროვი დაინიშნება.