საპარლამენტო უმრავლესობის წევრი, განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილე, გიორგი სოსიაშვილი რუსთაველზე გუშინ გამართულ აქციას გამოეხმაურა.

„აქცია, რომელიც ამ რადიკალთა მიერ არის ორგანიზებული, გარე ძალების ხელში საცდელ ლაბორატორიად გადაიქცა - რაღაც ცდებს ატარებენ მათზე. ამ ჯერზეც ნახეთ, როგორი სამარცხვინო ამბავი იყო - „მანიფესტი“, რომელიც წინასწარ იყო გაჟონილი. ე.ი. წინასწარ უდგენენ თამაშის წესებს, წინასწარ კარნახობენ. სამწუხაროა, რომ აგენტურული ძალები ამ ძალების ხელში თუთიყუშებად გადაიქცნენ. რასაც ჩასძახებენ, იმას იმეორებენ და ესაა მათი დღის წესრიგი“, - განაცხადა სოსიაშვილმა.

წინააღმდეგობის მოძრაობის ე.წ. მანიფესტი „პრაიმ ტაიმმა“ მოიპოვა, რომელიც სააგენტოს წყაროს ცნობით, ბრიუსელთან შეთანხმდა და იგი ოპოზიციას აქციაზე უნდა წაეკითხა. შეკრების ორგანიზატორთა ნაწილს წამოსცდა, რომ ტექსტი ნამდვილად არსებობდა. თუმცა, რატომ დამალეს „მანიფესტი“, სადაც ნახსენები აქვთ ტრამპისეული „დიფ სთეითის“ ცრუ ნარატივი, ამაზე ოპოზიცია დუმს.