ინფექციონისტ მაია ბუწაშვილის თქმით, მარიხუანას მოხმარება 6-ჯერ ზრდის მიოკარდიუმის ინფარქტის და 4-ჯერ - იშემიური ინსულტის რისკს! მისივე განმარტებით, როცა მავნე ჩვევების შესახებ წერს, საზოგადოების ნაწილი საპირისპიროს უმტკიცებს.

"ძალიან საინტერესო ტენდენციაა კომენტარებში პოსტებზე, რომლებსაც მავნე ჩვევების შესახებ ვწერ. ადამიანებს აშკარად უნდათ, რომ ალკოჰოლი მიიიღონ, მარიხუანა მოწიონ და თან იძახონ, რომ სასარგებლოა და ამიტომ იღებენ რაღაც მათი პოზიციის განმამტკიცებელი ერთი-ორი ფსევდომეცნიერული არგუმენტიც მოშველიებული აქვთ და ხმალივით იქნევენ. ნეტავ, თამბაქოს სარგებლიანობაზეც მოეძებნებათ რამე ასეთი ინფორმაცია?

ხალხო, ვისაც დალევა გინდათ, დალიეთ; ვისაც მარიხუანას მოწევა გინდათ, მოწიეთ და რა ვიცი, რაც გინდათ ის აკეთეთ. თქვენ რითი გაირთობთ თავს და ისიამოვნებთ, არც ჩემი და არავისი საქმე არაა. ოღონდაც ასე ჰაერზე, ყოველგვარი მტკიცებულებების გარეშე აქეთ ნუ გვიმტკიცებთ, რომ სასარგებლოა და ამას იმიტომ აკეთებთ, თან აგრესიული ტონით. თუ ოჯახის წევრებს ატყუებდით, რომ კარგ რამეს უკეთებთ საკუთარ თავს და იმიტომ ბრაზდებით ასე?

რა ინფანტილიზმია" - წერს მაია ბუწაშვილი.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე