ლანჩხუთის მერიის წარმომადგენელი მაჩხვარეთში გოჩა ცინცაძე რამდენიმე დღის წინ ტრაგიკულად დაღუპულ ზურა ჩხაიძეზე წერს, რომელსაც დღეს ქორწილი უნდა ჰქონოდა…
„დღეს 22 ნოემბერია, დღე, როცა შენი ქორწილი უნდა შემდგარიყო და უფლის წინაშე დაგედო ფიცი, სიცოცხლის ბოლომდე არ უღალატებდი შენს რჩეულს ჭირში და ყველანაირ გაჭირვებაში…
დღე, როცა ფერიასავით შემოსილი პატარძალი შემოვიდოდა შენს ოჯახში, რასაც ელოდნენ შენი მშობლები, მეგობრები და შენი ლამაზი სოფელი, ასევე ბედნიერების მოლოდინში იყო სოფელი მაჩხვარეთი, შენი რჩეული ხომ ამ სოფლიდან იყო…
რა მოხდა, რისთვის, როგორ ჩაგისაფრდა სიკვდილი ბედნიერების წინა დღეებში, ამ კითხვებს პასუხი არ აქვს, ასევე ძნელია სიტყვებით გადმოსცე ტკივილის, მწუხარების კასკადი, რაც შენს ტრაგიკულ გარდაცვალებას მოჰყვა. უჭირს შენს რჩეულს, მის თვალებში მზის შუქი ჩაქრა, უცბად ჩამობნელდა, მაგრამ შენი სიყვარული ასაზრდოებს, მოდის შენს საფლავთან, გესაუბრება, ცდილობს ყველაფერი ისე გააკეთოს, როგორც შენ გსურდა.
რა ძნელია შენზე მოგონებების წერა…
ასე დასრულდა ტრაგიკულად თქვენი ზღაპარი სიყვარულისა, უფალი გაგინათებს გზას მარადიულ სასუფეველში. უფალს ებარებოდე! “საქართველო, შენ ვინ მოგცა შვილი დასაკარგი“ - წერს გოჩა ცინცაძე.
რამდენიმე პოსტი გამოაქვეყნა სოციალურ ქსელში სოფომ, ზურას საცოლემ: „ეჰ, რატო, უფალო, რატო არ დაგვცალდა ეს დღე ბედნიერების დღე ყოფილიყო? რა მოხდრბოდა ჩვენი ბედნიერება გვეზეიმა და არ ვყოფილიყავი ყველაზე უბედური დღეს? 22 ნოემბერი, რომელსაც მე და შენ ასე ველოდით, მაგრამ რა დამრჩა. მარტო მოგონებები, ჩემო გულო, იცი, როგორ მენატრები და მაკლიხარ აუღწერელად, სუნთქვაც კი მიჭირს უკვე, ისე მენატრები, ჩემო მზესავით თბილო ბიჭო. მიყვარდი, მიყვარხარ და მეყვარები. შეხვედრამდე, ჩემო გულო და სულო“.
წყარო: guriatoday.ge
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე