სოციალურ ქსელებში ვრცელდება სამწუხარო ინფორმაცია, რომ ცნობილი მხატვარი, დავით პოპიაშვილი 56 წლის ასაკში გარდაიცვალა. ქართული კულტურისა და თანამედროვე მხატვრობის თვალსაჩინო წარმომადგენელი იყო. მისი მოულოდნელი გარდაცვალება ბევრი ადამიანისთვის დიდი დანაკლისია. პოპიაშვილის მეგობრები და ახლობლები მას განსაკუთრებულ პიროვნებად, გულწრფელ მეგობრად და ღირსეულ ქართველად იხსენებენ.

„დავით, ვერ ვიჯერებთ! საუკეთესო მხატვარი და ადამიანი აღარ არის... როგორი კარგი მეგობარი, განსაკუთრებული თბილისელი, ღირსეული ქართველი... რატომ, სად მიიჩქაროდი, დავით? ყველასთვის საამაყო მხატვარო! ვერაფერს ვწერ, გაოგნებული და დათრგუნული ვართ, ძმაო“, - აღნიშნულია გავრცელებულ პოსტში.

დავით პოპიაშვილი ქართული კულტურისა და თანამედროვე მხატვრობის თვალსაჩინო წარმომადგენელი იყო. მისი მოულოდნელი გარდაცვალება ბევრი ადამიანისთვის დიდი დანაკლისია. გარდაცვალების გარემოებების შესახებ დამატებითი დეტალები ამ დროისთვის უცნობია.

„ძალიან სამწუხაროა, დაუჯერებელია დათოს გარდაცვალება... დათო 80-იანი წლების ბოლოს, საუკეთესო ახალგაზრდათა შორის იყო. ყოველთვის გამორჩეული მხატვარი და მოქალაქე... მიუხედავად იმისა, რომ ბოლო პერიოდში იშვიათად ვხვდებოდი, მაინც მეგულებოდა ჩემს მეგობრად, რომელიც დაიწყო ი. ნიკოლაძის სახელობის სამხატვრო სასწავლებელში“, - იხსენებენ მას ახლობლები.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე