პარტია "ხალხისთვის" ლიდერი ანა დოლიძე საზოგადოებრივი მაუწყებლის ყოფილ დირექტორს, ნაცმოძრაობის მხურვალე მხარდამჭერ გია ჭანტურიას პასუხობს და და შესაბამის მიმართვას სოციალურ ქსელში აქვეყნებს.
"შენ არ ხარ გოჭი. შენ ხარ ინტერნეტ ლომი, რომელიც მაშინ როდესაც სასამართლო პროცესზე უნდა იყოს და იცავდეს სამშობლოს და პოლიტპატიმრებს, კომპიუტერთან ზის კონდიცირების ქვეშ და ჩემზე პოსტავს.
რა ვქნათ, შენ ხარ შალვა რამიშვილის ძმაკაცი, რომელსაც კამათში გაჯობე ერთხელ ეთერში და ეგ ვერ მოინელე.
კედელიც დაკეტილი გაქვს, ჭეშმარიტი ვაჟკაცივით დაზიანებული მამაკაცური ეგოს გამო მაინც არ ღირს სასამართლო კლანის პროპაგანდის გამეორება. პირდაპირ შალვას ხაზია ეგ", - დაწერა ანა დოლიძემ.
მანამდე კი გია ჭანტურიამ ანა დოლიძესთან დაკავშირებით ტექსტი გამოაქვეყნა, სადაც წერდა:
"ვისაც ვაპატიეთ მართლა დანაშაული, სწორედ იმათ არ გვაპატიეს არაფერი, მეტიც, ჩათვალეს, რომ დაგვავიწყდა, აღარ გვახსოვს, ან უბრალოდ სულელები ვართ, ამიტომ ყველაფერი უნდა ითქვას!
აი, გოჭის პოზიციიდან უნდა დავწერო:
ანა დოლიძე 2008 წლის აგვისტოს ომის შემდეგ თანამშრომლობდა რუსულ ორგანიზაციასთან — “Russian Justice Initiative”, რომელიც ევროკონვენციის დარღვევის საფუძველზე ამზადებდა სარჩელებს საქართველოს წინააღმდეგ. ეს სარჩელები ეხებოდა სამხრეთ ოსეთში რუსეთის მოქალაქეების დაღუპვას, რაც ეწინააღმდეგებოდა იმ დროინდელი ქართული პოზიციის ინტერესებს. იგი იურიდიული კონსულტანტი იყო ამ ორგანიზაციაში.
ორგანიზაციამ შეიტანა სარჩელები ადამიანის უფლებათა ევროპულ სასამართლოში (ECHR), მათ შორის ერთ-ერთი ცნობილია როგორც:"Sipols v. Georgia“, რომელიც ეხებოდა ცხინვალის დაბომბვისას გარდაცვლილებს.ოცნებამ ის თავდაცვის მინისტრის მოადგილედაც კი გაამწესა! ჩვენ მისი პოზიციის შეცვლა, მის კათარსისად აღვიქვით, ვაპატიეთ, ვენდეთ, მოუთმინეთ ამის მერე ისევ რეჟიმს, რომ გვეძახდა, ეხლა უკვე გოჭებს. ამიტომ, ითქვას ყველაფერი!" - წერს გია ჭანტურია.
სტატიების ნახვა შეგიძლიათ რუბრიკაში "ყველა სტატია"
ყველა ახალი ამბის ნახვა შეგიძლიათ ამ ბმულზე
საინტერესო ვიდეოები შეგიძლიათ იხილოთ რუბრიკაში "ყველა ვიდეო"
ბოლო ამბების ნახვა შეგიძლიათ ამ ბმულზე