"ზოგიერთი ცხედრის სხვადასხვა ნაწილები იქნა აღმოჩენილი", - ამის შესახებ დევნილთა, შრომის, ჯანმრთელობისა და სოციალური დაცვის მინისტრმა, ზურაბ აზარაშვილმა, სტიქიის ზონაში, მედიასთან საუბრის დროს განაცხადა.

მისივე თქმით, დაკარგულთა შორის, სავარაუდოდ, 8 ბავშვია.

"მიმდინარეობს ამოცნობითი სამუშაოები, აქტიური სამუშაოები მიდის ღამეც და ვცდილობთ. ზოგიერთი ცხედრის სხვადასხვა ნაწილები იქნა აღმოჩენილი და იქ სხვადასხვა ეტაპებია გასავლელი, ასეთი მაგალითად დეენემის ანალიზია. დასახიჩრებული ცხედრებიც გვაქვს. დაკარგულებს შორის სამწუხაროდ 7 თუ 8 ბავშვია. ინფორმაციასთან დაკავშირებით, რომლის მიხედვითაც ამ სტიქიის არიდება შეიძლებოდა, მინდა სრული პასუხისმგებლობით გითხრათ, რომ ეს დეზინფორმაციაა", - განაცხადა ზურაბ აზარაშვილმა.