ია აბულაშვილი
(10.09.2019)

 „განშორება ხანგრძლივი არ ყოფილა, როგორც ჩანს, ქართველი და უკრაინელი არტისტების მუსიკალური ბაზარი რუსეთშია. ასე რომ, იმ ჭაში ჩაფურთხება, რომლიდანაც წყალს სვამ, წინდაუხედაობაა.  ზოგჯერ ლაპარაკს სჯობს უბრალოდ იმღერო“, - ასე ეხმაურება რუსეთში მცხოვრები ტელეწმაყვანი თინა კანდელაკი ქართველი მომღერლის ნინო ქათამაძის განაცხადებას, რომელმაც უკრაინაში ტელეარხ „1 პლიუს 1“-ის ეთერში განაცხადა, რომ რუსეთში კონცერტების გაუქმების მიუხედავად, რუსი მსმენელი უყვარს.

ცნობისთვის, ნინო ქათამაძის გამოსვლას რუსეთში გამართულ ფესტივალზე „უსადბა ჯაზ“, რომელიც თბილისში 20 ივნისს განვითიარებული მოვლენების ფონზე მიმდინარეობდა, ქართული საზოგადოების მხრიდან კრიტიკა მოჰყვა, რის შემდეგაც ქართველმა მომღერალმა მომავალი წლის მარტში დაგეგმილი კონცერტები მოსკოვში გააუქმა და განაცხადა, რომ რუსეთში აღარ იმღერებდა. 

ფესტივალიდან დაბრუნებული ნინო ქათამაძე თბილისში პარლამენტის წინ საპროტეტსო აქციაზე მივიდა. 2019 წლის 7 ივლისს კი გავრცელდა ინფორმაცია, რომ რუსეთში მუსიკალური სერვერებიდან ნინო ქათამაძის სიმღერები წაიშალა.

ჩაწერა სახელი