დემოკრატია საფრთხეში არ არის, საფრთხე „დიფ სთეითს“ ემუქრება, – ამის შესახებ ისრაელის პრემიერ-მინისტრმა, ბენიამინ ნეთანიაჰუმ ქნესეთში სიტყვით გამოსვლისას განაცხადა.

„ისრაელი იყო და დარჩება დემოკრატიად. დემოკრატიას საფრთხე არ ემუქრება, საფრთხე ემუქრება ბიუროკრატების მმართველობას, საფრთხე ემუქრება „დიფ სთეითს“, – განაცხადა ნეთანიაჰუმ.

ამასთან, ქნესეთში სიტყვით გამოსვლისას ისრაელის პრემიერ-მინისტრმა აღნიშნა, რომ თუ „ჰამასი“ მძევლებს არ გაათავისუფლებს, მაშინ ისრაელი ტერიტორიებს დაიკავებს.

„ღაზაში ბრძოლა გრძელდება. რაც უფრო დიდხანს იტყვის „ჰამასი“ მძევლების გათავისუფლებაზე უარს, მით უფრო ძლიერი იქნება ჩვენი ზეწოლა. ეს მოიცავს ტერიტორიების დაკავებას და კიდევ ბევრ სხვა რამეს, რასაც ახლა აქ არ ჩამოვთვლი“, – აღნიშნა ნეთანიაჰუმ.