რუსთავში, მეგობრობის გამზირზე 40 წლამდე მამაკაცი დააკავეს. "ინფო რუსთავის" ცნობით, კაცი პოლიციამ ოპერატიული ინფორმაციის საფუძველზე, ავტომობილით მოძრაობის დროს გააჩერა. შსს-ს წარმომადგენლებმა მის კუთვნილ სატრანსპორტო საშუალებას ჩხრეკა ჩაუტარეს და მანქანიდან ხელყუმბარა ამოიღეს.

პოლიციამ მამაკაცი ადგილზე დააკავა. ის წინასწარი დაკავების იზოლატორშია გადაყვანილი.

დამატებითი დეტალები მომხდართან დაკავშირებით უცნობია. ფაქტზე დაწყებულია გამოძიება.

ინფო რუსთავი