საპარლამენტო უმრავლესობას „უცხოური გავლენის აგენტებზე" კანონპროექტი უკან რომ არ გაეწვია, საქართველო აშკარად დადგებოდა სამოქალაქო დაპირისპირების წინაშე. თუმცა, ნაკლებად სავარაუდოა იარაღის გამოყენება მომხდარიყო - ამის შესახებ „რეზონანსს" ანალიტიკოსმა ვახტანგ ძაბირაძემ განუცხადა. იგი ბოლო დღეების მოვლენებს 2011 წლის 26 მაისის აქციის დარბევასა და 2012 წლის საპარლამენტო არჩევნებს ადარებს.