როგორც მსახიობმა ლაშა გურგენიძე იხსენებს, იყო დრო, როდესაც დედამ გაჭირვების გამო, დროებით ბავშვთა სახლში დატოვა.

“იყო ისეთი პერიოდი, რომ დედაჩემი სამსახურის გარეშე დარჩა. სახლში მთელი ღამე იჯდა და კერავდა, რომ პატარა შემოსავალი გვქონოდა. მაშინ ისე გაგვიჭირდა, რომ მითხრა ცოტა ხანი, სანამ სამსახურს ვნახავ, უნდა წაგიყვანოო. ამიხსნა და გავიგე ეს ყველაფერი. ძალიან მეგობრული ურთიერთობა გვქონდა. ბავშვთა სახლში მაკითხავდა ხოლმე ხშირად. არასდროს არ მქონია ის მომენტი, რომ იქ დავრჩებოდი, თუმცა მინდოდა მალე წამოვსულიყავი. მთელი ღამე ვტიროდი და ისტერიკებს ვაწყობდი”, – აღნიშნა "ფარულ კონვერტში" სტუმრობისას ლაშა გურგენიძემ.