საქართველოს პრეზიდენტმა სალომე ზურაბიშვილმა თერთმეტი მსჯავრდებული პირი შეიწყალა.

პრეზიდენტის ადმინისტრაციის ინფორმაციით, შეწყალებულთაგან ათი მსჯავრდებული სრულად გათავისუფლდა პენიტენციურ დაწესებულებაში თავისუფლების აღკვეთის სახით დანიშნული სასჯელის შემდგომი მოხდისაგან და პენიტენციურ დაწესებულებას დღესვე დატოვებს, ხოლო ერთ მსჯავრდებულს პენიტენციურ დაწესებულებაში მოსახდელად დარჩენილი სასჯელის ვადა შეუმცირდა.