რეზონანსი
14.10.2021

მიხეილ სააკაშვილი მეგობარმა ქალმა უკრაინის რადას დეპუტატმა და ლიზა იასკომ DW-სთან ინტერვიუში საქართველოს მესამე პრეზიდენტის დაპატიმრებასა და პირად ცხოვრებაზე ისაუბრა.

მისი თქმით, სააკაშვილი ის ციხეში პარასკევს, 8 ოქტომბერს ნახა. ძირითადად კი ისინი ადვოკატების მეშვეობით კონტაქტობენ. იასკოს თქმით, კამერაში მხოლოდ სახალხო დამცველს უშვებენ.

DW სააკაშვილისა და იასკოს პირადი ცხოვრებით დაინტერესდა და აღნიშნა, რომ მედიაში ყოფილი პრეზიდენტისა და სანდრა რულოვსის დაშორების შესახებ ინფორმაციას არ ვრცელდებოდა.

"უმეტესად კონსერვატიულ საქართველოს კრიტიკული რეაქცია ჰქონდა, როდესაც თქვენი ურთიერთობების შესახებ შეიტყო", - მიმართავს იასკოს ჟურნალისტი, რაზეც ის პასუხობს, რომ ძალიან გაკვირვებულია.

"ძალიან გაკვირვებული ვარ, რომ ახლა პირადი ურთიერთობების საკითხი დგას. ახლა ჩვენ მხოლოდ ერთზე უნდა ვიფიქროთ, როგორ გავათავისუფლოთ ის ციხიდან და გავაკეთოთ ისე, რომ საქართველოს მომავალი ჰქონდეს. რაც შეეხება პირადს, ჩვენ ვთქვით, რომ ერთად ვართ. ვთქვით იმის შესახებ, რომ მე, როგორც უკრაინელი პოლიტიკოსი, როგორც მისთვის ახლობელი ადამიანი, მას მხარს ვუჭერ", - განაცხადა იასკომ.

ჟურნალისტმა აღნიშნა, რომ საქართველოში სანდრა რულოვსი, როგორც პირველი ლედი, ძალიან უყვარდათ და იკითხა, როგორ დახვდნენ იქ იასკოს.

"მე ბევრი ჟურნალისტი მხვდება, ამ სიტუაციაში ეს რთულია. ყურადღება ახლა მიხეილზე უნდა იყოს ფოკუსირებული. მე მისი მდგომარეობის შესახებ მეკითხებოდნენ", - აღნიშნა იასკომ.

1-ელ ოქტომბერს მიხეილ სააკაშვილმა სოციალურ ქსელში თავის პარტნიორთან, უკრაინელ ლიზა იასკოსთან ერთად ჩაწერილი ვიდეო გაავრცელა და განაცხადა, რომ ისინი ახალ ცხოვრებას იწყებენ და ოჯახს ქმნიან.

ცნობისთვის ლიზა იასკო თბილისში იმყოფება. ის მიხეილ სააკაშვილის მოსანახულებლდა უკრაინიდან გუშინ ჩამოფრინდა და ექსპრეზიდენტს სასჯელაღსრულების დაწესებულებაში შეხვდა.

წყარო: „report.ge"

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე


Copyright © 2006-2021 by Resonance ltd. . All rights reserved
×