რეზონანსი
13.01.2021

„მთავარი არხის" გენერალური დირექტორი ნიკა გვარამია აცხადებს, რომ საზოგადოებრივი უსაფრთხოების მიზნით ქვეყანაში ვაქცინაცია სავალდებულო უნდა იყოს.

მისივე თქმით, აცრებზე მასობრივი უარი - გენოციდის ეფექტის მქონე შეიძლება აღმოჩნდეს.

"ბოდიში, მაგრამ თუ საზოგადოებრივი უსაფრთხოება მოითხოვს (პანდემია კი უმაღლესი რანგის ალარმია), ვაქცინაცია უნდა გახდეს სავალდებულო, საჭიროების შემთხვევაში, იძულების გამოყენებით. ცხადია, სამედიცინო გამონაკლისების (ალერგია და ასე შემდეგ) გათვალისწინებით და ვაქცინის მაღალი ხაროსხის და უმაღლესი უსაფრთხოების დაშვებით.

მოკლედ: სავალდებულო, ხარისხისნი/უსაფრთხო და თან უფასო.

შეგახსენებთ, რომ პანდემიის გამო, უმნიშვნელოვანესი უფლებების შეზღუდვაა დაშვებული. კი ბატონო, საკუთარი სხეულის სრულად კონტროლის უფლება, ძალიან მაღალი გარანტიებით დაცული უფლებაა. მაგრამ, არ დაგვავიწყდეს, რომ ამავე უფლებრივ კლასტერს განეკუთვნება აბორტი, რომელიც ძალიან ბევრ და ძალიან ცივილიზებულ ქვეყნებშია აკრძალული. ჩვენთანაც, პირველი ტრიმესტრის მერე. და აბორტი თუ საკუთარ სხეულს და საკუთარ ნაყოფს ეხება და თუ მკვლელობაა, აცრებზე მასობრივი უარი - გენოციდის ეფექტის მქონე შეიძლება გახდეს და მძიმე და მყისიერი საშიშროების შემცველია პირთა განუსაზღვრელი წრისთვის.

თავისუფლებაზე მნიშვნელოვანი არაფერი მგონია, მაგრამ ზოგჯერ საზოგადოებრივი უსაფრთხოების ინტერესი პრევალირებს ინდივიდუალურზე (საქ. კონსტ. ამას ლეგიტიმური მიზანი ქვია და ჩამოთვლილია კიდეც, როდის შეიძლება იყოს საზოგადოებრივი სიკეთე აღმატებული ინდივიდუალურზე. ცხადია, პროპორციულობის დაცვით)", - წერს ნიკა გვარამია.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

დატოვე კომენტარიკომენტარები (2)
ჩაწერა სახელი
lia   (14.01.2021)
ეს აბორტსა და ვაქცინაციას შორის განსხვავებას ვერ ხედავს,საკმარისია უცოდინრობის ზეიმი,ყოვლად მოუთმენელი სიტუაციაა.ეს ვინ გვმოძღვრავს ეკრანიდან,თუმცა მე კარგა ხანია არ ვუსმენ-ნაც ქოცებს.ინფორმაციას სათაურებიდან ვიღებ ხოლმე მეტზე არ ღირს დროის ხარჯვა.

კახელი   (13.01.2021)
შე ქინძის თესლი რატომ უნდა იყოს სავალდებულო,ჩემი თავი ჩემი ნებაა.შენისთანა სირტაკოზების გადასაწყვეტი არ არის ვინ აიცრება და ვინ არა. როცა ქათმებს ჭირი აქვს და არიან ყველა ერთად იხოცება,როდის იყო ავადმყოფს აცრას უკეთებენ.


Copyright © 2006-2021 by Resonance ltd. . All rights reserved
×