სახელი*
    ელ–ფოსტა
    წერილის ტექსტი*
    საკონტროლო კოდი* კოდის განახლება
    გაგზავნა
    გვანცა ღვედაშვილი
    27.12.2017

     რუსეთი თურქეთს ეს-400-ის სარაკეტო სისტემების ოთხ ბატალიონს გადასცემს. აღნიშნული შეთანხმება თითქმის მიღწეულია. თუმცა, როგორც ექსპერტები აცხადებენ, ეს, საგრძნობლად გაამწვევებს თურქეთისა და ამერიკის ურთიერთობას, რომელიც დღეს, ისედაც დაძაბულია.

    ამასთან, გამორიცული არ არის რომ თურქეთის ქმედებამ მისი ნატოში წევრობაც კითხვის ნიშნის ქვეს დააყენოს, ვინაიდან ალიანსი თავად გეგმავდა ერთიანი რაკეტსაწინააღმდეგო სისტემის შექმნას, რომელიც თურქეთის ქმედებით შეუძლებელი ხდება.

    რუსეთსა და თურქეთს შორის შეთანხმება, რომლის მიხედვითაც რუსეთმა 2.5 მილიარდი დოლარის ეს-400-ები უნდა გადასცეს, თითქმის მიღწეულია. აღნიშნულის შესახებ, რუსეთის სახელმწიფო კორპორაციის "როსტეხის" ხელმძღვანელმა სერგეი ჩემეზოვმა გაზეთ "კომერსანტთან" ინტერვიუში განაცხადა.

    მისივე თქმით, თურქეთი წინასწარ გადაიხდის თანხის 45 პროცენტს. რუსეთი კი მას 55%-იან დაფარვის სესხს მიანიჭებს. ამასთან, მოსკოვში იმედოვნებენ, რომ თურქეტისთვის რაკეტსაწინააღმდეგო სისტემის პირველი მიწოდება 2020 წლის მარტში დაიწყება.

    აღნიშნულმა შეთანხმებამ შეშფოთება გამოიწვია დასავლეთში, ვინაიდან თურქეთი ნატოს წევრი სახელმწიფოა. დასავლეთის განცხადებით, დაუშვბელია, ალიანსის სამხედრო არქიტექტურაში რუსეთის სარაკეტო სისტემები იყოს ინტეგრირებული.

    როგორც სამხედრო ექსპერტი ვახტანგ მაისაია "რეზონანსთან" საუბრისას აცხადებს, იმ ფონზე, როდესაც ნატო გეგმავდა კოლექტიური რაკეტსაწინააღმდეგო სისტემის შექმნას, სადაც თურქეთს ყველაზე მნიშვნელოვანი როლი ჰქონდა, მისი რუსეთთან დადებული შეთანხმება სერიოზულ პრობლემებს უქმნის ნატოს და გამორიცხული არ არის საბოლოოდ ნატოში თურქეთის წევრობა კითხვის ნიშნის ქვეშ დადგეს.

    "რა თქმა უნდა ეს არის გამოწვევა ნატოს ერთიანი ინტეგრირებული და ჰაერსაწინააღმდეგო სისტემისთვის. ეს ერთგვარად საფრთხის ქვეშ აყენებს ერთიან რაკეტსაწინააღმდეგო სისტემის შექმნას, რომელსაც ნატო აპირებდა 2018 წლის მერე განეხორციელებინა. მას ჩატარებული ჰქონდა პირველადი კვლევა, რათა ნატოს ეგიდით შექმნილიყო კოლექტიური რაკეტსაწინააღმდეგო სისტემა, როემლშიც თურქეთი ყველაზე მნიშნვნელოვანი ნაწილი იყო.

    "რახან ახლა თურქეთი რუსეთისგან ყიდულობს, ბუნებრივია, ეს უკვე ვეღარ ჩაითვლება ერთიან სისტემად, რაზეც ნატოს ხელმძღვანელობამ უკვე გამოთქვა შეშფოთება და აღნიშნა, რომ თურქეთის ქმედება არის გამოწვევა კოლექტიური რაკეტსაწინააღმდეგო სისტემის შექმნისთვის", - აცხადებს მაისაია და აღნიშნავს, რომ ამერიკისა და თურქეთის დაპირისპირებამ პრინციპული ხასიათი მიიღო.

    "ეს ყველაფერი კი კიდევ უფრო დაძაბავს ურთიერთობას ამერიკასა და თურქეთს შორს. მე არ გამოვრიცხავ იმასაც, რომ სამომავლოდ თურქეთის ნატოს წევრობა კითხვის ნიშნის ქვეშ დადგეს, ვინაიდან ამერიკა-თურქეთის ურთიერთობა იმდენად გამწვავდა, რომ მან პრინციპული დაპირისპირების სახე მიიღო.

    "როცა სტრატეგიული მოკავშირე ამერიკას უცხადებს ეკონომიკურ სანქციებს იერუსალიმის საკითხთან დაკავშირებით და ამით ემუქრება, აქ უკვე ყველაფერი ნათქვამია. ამიტომ ეს არის სერიოზული პრობლემა და რეალურ გამოწვევაა წარმოადგენს", - განაცხადა სამხედრო ექსპერტმა.

     

    ლიცენზია
    დატოვე კომენტარიკომენტარები (0)
    ჩაწერა სახელი

    Copyright © 2006-2018 by Resonance ltd. . All rights reserved