ია აბულაშვილი
18.01.2022

21 იანვარს კულტურის სამინისტროსთან, კულტურის სფეროში განხორციელებული „ბოლშევიკური წმენდის“ გასაპროტესტებლად აქცია  გაიმართება, რომელსაც წინ უსწრებდა პეტიცია კულტურის მინისტრის თეა წულუკიანის გათავისუფლების მოთხოვნით. პეტიციაში წერია, რომ დროა საქართველოს კულტურის სისტემა გათავისუფლდეს ჯერ კიდევ საბჭოთა კავშირის დროს არსებული მართვის პრინციპებიდან.  

პეტიციის ავტორი გიგი თევზაძე და ხელმომწერები წულუკიანის მინისტრობის დროს არსებულ 4 ტენდენციაზეც მიუთითებენ, მათ შორის არის საჯარო ინოფრმაციის შეზღუდვა და კადრების პოლიტიკის ნეპოტისტურ პრინიპებზე დაფუძნება; პროფესიონალების გათავისუფლება იმის გამო, რომ მათ საჯაროდ ან პრივატულად გამოთქვეს უკმაყოფილება როგორც ქვეყანაში, ასევე კულტურის სამინისტროს სისტემაში მიმდინარე პროცესების შესახებ.

ცნობილი ქართველი კინორეჟისორი მერაბ კოკოჩაშვილი პეტიციის პათოსს არ იზაიარებს და აცხადებს, რომ თეა წულუკიანი არის ადამიანი, რომელიც აკვირდება პროცესებს, სწავლობს და ისე იღებს გადაწყვტილებას.

„მე არ ვიცი ვინ გაათავისუფლა კულტურის მინისტრმა და რა ხდება, მაგრამ თეა წულუკიანი იყო კინოსტუდია „ქართულ ფილმში“ და ასეთი გადაწყვტილება არ მიუღია. ვერც მიიღებდა, რადგან იგი არის ადამიანი, რომელიც აკვირდება პროცესს, სწავლობს, სწორ ანალიზს აკეთებს და ისე იღებს გადაწყვეტილებას. 

„ეს არის საჭოთა მეთოდები? რა არის ამაში ცუდი? პირველივე შეხვედრაზე, როგორც კი გაიგო რა ხდებოდა „ქართულ ფილმში“, რომელიც სააქციო საზოგადოება იყო და ეკონომიკის სამინისტრო ბაზაზე ირიცხებოდა, დაუქვემდებარა კულტურის სამინისტროს. წლებია წინ ვერ მივდიოდით, ამ დღეებში კიდევ გვექნება შეხვედრა „ქართული ფილმის“ სტრუქტურული განვითარების შესახებ. აქედან გამომდინარე, მე მას მხარს ვუჭერ“, - განაცხადა „რეზონანსთან“ მერაბ კოკოჩაშვილმა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×